BaHebhelu3
1Nezwo banakwaina bachena, imwi muloshanganyila mukushobwa kokudenga, langalilani Jesu umpositoli nontebuji unkulwana wobusumikiji bwedu.2Wakaba ekabimbika kunoyo wakomponcha, saMozesi wakabakabimbika mungumba yaMwali.3Koga Jesu wakakwelela lukujwo lunji kupinda Mozesi, sobuzwili kuti umbaki wengumba ndiye unokujwa kupinda ingumba.4Nokuti ingumba yose inobakwa nonhu, koga umbaki wezwinhu zwose ndiMwali.5Nezwo Mozesi wakaba ekabimbika mungumba yaMwali yose soshingi, kuti esumikije zwinhu zwakaba zwaloolebwa mumazhuba ambeli,6koga Kristo wakaba akabimbika mungumba yaMwali soMwananhulumyana. Akale tinoba ingumba iye kana tigala mukubimba nomukushiya mulubimbo lwedu.7Nokudalo uMpepo uNchena unoti,“Nasi mungowha iwhi lilye,8musikomise myoyo yenu sonshaji wokupandukila Mwali,nezhuba lyokukwejwa mugwegulu,9yopo matategulu enu pabakandikweja,kojoba bakabona mishingo yangu kwamakole makumi mana.10Nezwo ndakanyemiswa nechizekululu yechiya,‘ndikati banogala bakapambuka mumyoyo yabo.’abajanu baziba inzila jangu.11Zwandakakowa mubukali bwangu nditi,‘Abatoongwina mulunyetutuko lwangu.’”12Chenjelani, banakwaina, kuti kusibe nomwempela pakati penu unano moyo umbi, unamwoyo usinodimbwa, emutungamilila mukuwa kuva kunaMwali umpenyu.13Koga sungwajanani mazhuba ose, sezwo lishobwa “nasi,” kutila kuti kusibe noumwe wenu uchakomeselwa mwoyo mukuchengwa noluchinyo.14Nokuti tinoshanganyilana muna Kristo, kana chete tibhatilila mulubimbo lwedu lwotanga kujine kube kumapejelejo,15kana kuwhi,“Nasi, pamunowha iwhi lilye,musikomise myoyo yenusoponshaji wokupanduka.”16Ndibanhi bakawha koga bakapanduka? Abatoba yaba bose na bakava kuIjipiti, betungamililwa naMozesi?17Ndiani wakonyeteja kwamakole makumi mana? Abatoba yabo bakachinya, bakashayikila mugwegulu na?18Akale ndikunani kwaakakowa kuti abajilokwelela kungwina mulunyetutuko lulwe, koga kunaabo basakawhilila?19Nokudalo tinobona kuti abajakatubula kungwina pezhulu pokusodimbwa kwabo.
The Word for the World International