BaHebhelu2
1Nokudalo tilokwelela kubiga indangalilo jose panezwitakawha, kutila kuti tisipambuke kunaizwo.2Nokuti kana iwhi lyakasumwa nengilozi lyakaba lili ilyo akale kuleswa kose nokusowhilila kwakatambula kulangwa kulokwelela,3tingachila chini kana tisinani noluchijo lukulwana ali? Lwakazibiswa pakutanga naTezi akale lukasimiswa kwatili naabo bakonwha,4Mwali nokukwe wakapa busumikiji nezwitondejelo nezwishamiso nezwichenamiso zwilosiyanasiyana akale nezwipo zwoMpepo uNchena zwaakakoba nokuda kukwe.5Nezwo Mwali aajakapa ingilozi isimba pezhulu penyika inozha, sezwa tikumuleba nezwayo.6Kwakasumikijwa kunobumwe bugalo kuwhi,“Unhu ini kuti uunjeye ali,kana mwananhulumyana wonhu zwinota kuti uundondote?7Wakonta kuti ebe pasi pengilozi konshaji umpfupi,akale akoombajika chilemba cholukujo nokulemekejwa.8Akabiga zwinhu zwose pasi pamakumbo awe.”Ngweno pakubiga zwinhu zwose pasi pape, akuna zwaakasiya zwili kuzhe kwamasimba awe. Asi ngweno atijanhu tabona kuti zwinhu zwose zwipo pasi pape.9Koga tinobona Jesu wakaninipiswa kungilozi konshaji unshoma, ngweno akambajikwa chilemba cholukujo nolulemekejo nokuda kokuyangata kolufu, kutila kuti nechipiwo chaMwali efile banhu bose.10Nokuti zwakaba zwikakwelela kuti Mwali, wakabumba zwinhu zwose akale zwibumbilwa iye, kutila kuti ete umbambi woluchijo lwabo epelelele nokuyangatiswa mukubuza bana banhulumyana banji mulukujo.11Nokuti iye unochenesa naabo banocheneswa banechinde limwempela, ndizwo esina ishoni jokubashoba kuti banakwaina,12eti,“Izina lyenu ndolipupula kubanakwaina,ndomukuja ndili mugubungano.”13Unoti kabili, “Ndinobiga lubimbo lwangu mwaali.” Akale unoti “Ndipo yopano nabana bandakapiwa naMwali.”14Sezwo bana beli belopa nombili, iye neebo wakaba nechimo yecho, kutila kuti nolufu engapalaja yoyo unamasimba pezhulu polufu, zwileba Guluzhanje,15akale kuti emunule bose bakabakasungwa nolutyo lolufu kobupenyu bwabo bose.16Nezwo ichokomende kuti aanani nengilozi koga kubhancha inzwalo yaAbhulahamu.17Nokudalo kwaluba kwakakwelela kuti ebe sabanakwaina babe muzwinhu zwose, kutila kuti ebe untebuji unkulwana uneshe akale ulobimbika mukushingila Mwali, kuti iye elipile luchinyo lwabanhu.18Sezwo iye nokukwe wakayabula akakwejwa, unotubula kubhancha yabo banokwejwa.
The Word for the World International