2 BaKolinte3
1Timutangisa kuzwisuma akale na? Kana kuti kunodikana makwalo okutisuma kwamuli, kana anova kwamuli, sezwinota bamwe?2Imwi momene ndimwi lukwalo lwedu, lulokwalwa mumyoyo yedu, lunozibikana akale lubalwa nabanhu bose.3Motondejela pachena kuti mulukwalo lunova kunaKristo lwakabuzwa nasu, lusakakwalwa noluboko koga noMpepo waMwali umpenyu, pesi pezwipemu zwamabwe mapapalaza, koga pemyoyo yabanhu.4Yolu ndilolubimbo lwatinanalo kupinda munaKristo tinda kunaMwali.5Azwitova kuti totubula nokwedu kuti titi yezwi zwatiwa nasu, koga zwinova kunaMwali,6iye wakatita kuti titubule kubabashingi bechivumilano chipya, chisi chomulawo ulokwalwa koga choMpepo, mulawo ulokwalwa unobulaya koga uMpepo unopa bupenyu.7Ngweno kana unshaji wolufu wakabakakwalwa pebwe, wakezha nokungaima kukulwana zwakata kuti baIzilayeli bekonwe kulinga kumesho kwaMozesi nokutaima kwako, kojoba kujujuka sozwakuli,8unshaji woMpepo autoba nokungaima kukulwana kupinda na?9Kana kwakaba nokungaima nonshaji wokulashwa, unshaji wobululami ulokwelela kuba nokungaima kulopindilija.10Chokomende, nenyaya yeyi, yezwo zwakaba zwingaima noyo unshaji azwichinongaima, nokuti kungaima kwabaipo kunopinda kwakabelipo.11Kana yezwo zwakajujuka zwakezha nokungaima, yezwo zwisinopela zwinokwelela kuba nokungaima kulopindilila.12Sobutina lubimbo lwakadai, tinamyoyo misimu,13atitoba saMozesi wakafuka kumesho kukwe noncheka etila kuti baIzilayeli besibone kupela kokungaima.14Koga indangalilo jabo jakakomeswa, kuswikila izhuba lyanasi, pabanobala chivumilano chantolo, uncheka wakale yondwa aujanu wafukulwa, nokuti munaKristo chete ndimo mwaunobhiswa.15Eya, kuswikila nasi yono, panobalwa iwhalo yaMozesi uncheka ulofuka indangalilo jabo,16koga unhu angochingunukila kuna Tezi, uncheka unofukulwa.17Ngweno Tezi uMpepo, akale panaMpepo waTezi, pana lusungunuko.18Akale isu tose, tilina kumesho kwakafukulwa, totondeja kungaima kwakaleko kunova kunaTezi uliMpepo, kumushandulwa kuti titojane naye kuva kuna kumwe kungaima kunda kuna kumwe.
The Word for the World International