2 BaKolinte2
1Ndakalangalila kuti ndisipamhe kumushanyila zwinoomulwajisa moyo akale.2Nokuti kana ndita kuti mulwajilwe, ndiani biya uchandishantisa koga wakaleyo undimuwhisa kulwaja?3Akale ndakakwala sobundakata, kuti ndingoozha ndisiwhiswe kulwaja kunaabo babekwelela kundishantisa, nokuti ndakabebimba namwi mose, kuti kushanta kwangu kube kushanta kwenu mose.4Nokuti ndakamukwalila nokuyabiswa kukulwana akale nokulwajilwa kwomoyo akale nemishoji minji, kusikuda kuti mulwajilwe koga kumuzibisa buwando boludo lwangu kwamuli.5Koga kana pelina wakatisa kuti kube nokulwajilwa, aajakatila imi pe, koga neimwe inzila ndisinokantula wakatila imwi mose.6Kunooyo wakadalo yechi chilango chabanji chilozhulila,7sokudalo mokwelela muundekejele nokuunyalaja, nokuti angakubukilwa neshungu ihulwana.8Nezwo ndomukumbila kuti muuntondejele akale ludo lwenu.9Yezwi ndizwo zwakatisa kuti ndikwale, kuti ndimukweje akale kuti ndizibe kana mowhilila na muzwinhu zwose.10Yoyo wamunolekejela, namibo ndondekejela. Yezwo zwandalekejela, kana pelina zwokulekejela, zwatilwa imwi nokuba ipo kwaKristo,11kutila kuti Satani esiwane isimba pezhulu pedu, nokuti tobuziba buchengeji bubwe.12Pandakezha kuToluwasi kobhaunula iNdebo iMbuya yaKristo, ndakazhulilwa unkoba munaTezi,13koga indangalilo yangu ayijakagajikana nokuti mwanakwaina wangu Taitasi andijakongwana kwakale. Nokudalo ndakabakoneka ndikenda kuMasedoniya.14Koga Mwali ngebokwe, Iye munaKristo unotitungamila mukukoma unshaji wose, akale nomunasu unomwalaja bunde boluzibo lulwe kwosekwose.15Nokuti tibunde bwaKristo kunaMwali mukati mwaabo bamuchijwa naabo bamupalala,16kuna umwe tilupepo lunonhuwa zwitungamija kulufu, asi kuna umwe tibunde bunonhuwilila bubuza bupenyu. Ndiani unotubula kuta unshingo yoyu?17Isu atinanga, sabanjinji, batengesi beWhi lyaMwali, koga sabanhu bechokomende, koga Mwali wakatituma, tolebeleka muchokokomende pambeli paMwali munaKristo.
The Word for the World International