2 BaKolinte4
1Nokudalo, tinanonshingo yoyu neshe jaMwali, atitobola moyo.2Talamba zwinosheshemesa zwinotiwa musiswa, inzila jobuchengeji kana kubhilinganya iwhi lyaMwali, koga nokulungulula ichokomende pachena tinozwilebelekela kuti titambulwe noluyeyo lwabanhu bose pambeli paMwali.3Akale kojoba iNdebo iMbuya yakafukwa, ilofukwa chete kunaabo bamupalala.4Munyaya yeyi, mwali wopasi yopano wakapofumaja indangalilo jabasinodimbwa, kutila kuti besibone mwenje weNdebo iMbuya wokungaima kwaKristo, iye ulichitojaniso chaMwali.5Atijikumuzwibhaunula nokwedu, koga Jesu Kristo saTezi, isu sabashingi benu titila Jesu.6Nokuti Mwali wakati, “Lumuniko ngalumunike munhilima,” ndiye wakamunikila myoyo yedu kutipa chimuniko choluzibo chokungaima kwaMwali chinoboneka muchiso chaKristo.7Koga tinanefuma yeyi muhali, kutondejela kuti isimba yeli linoshamisa linova kunaMwali akale kuti alitoba lyedu.8Tikumuyabiswa munzila jose, koga atijimuziyiwa, tikumukankabajwa, koga atijimulasha moyo,9timujiijwa, koga atijilolashwa, timulobwa tiwigilwa pasi, koga atijimupalajwa.10Unshaji wose tikasenga lufu lwaJesu mumibili yedu, kutila kuti bupenyu bwaJesu butondejelwe bo mumibili yedu.11Nokuti tichibapenyu timupilwa kulufu unshaji wose pezhulu paJesu, kuti bupenyu bwaJesu butondejelwe mumibili yedu inofa.12Nokudalo kufa kumushinga munasu, koga bupenyu bukumushinga mwamuli.13Sezwo tilina umpepo umwempela wokudimbwa sokuleba kwewhalo inchena kuti, “Ndakadimbwa, nokudalo ndakalebeleka,” nasubo todimbwa, nokudalo tolebeleka,14Nokuti tinoziba kuti yoyo wakamusa Tezi Jesu unootimusa bo naJesu akale etibuze pamwempela namwi ikokwaali.15Nokuti zwose zwinotilwa imwi, kuti chipiwo pachimumwalajwa kubanhu banjinji chinoota kuti kubenokuboka kukulwana, kuchapalukujo kunaMwali.16Nokudalo atitobola moyo. Kojoba mibili yedu ilimukushakala, umpepo wedu mukati ukumutiwa umpya izhuba nezhuba.17Nokuti yoku kuyabiswa konshaji unshomanana kukumutilonganyila lukujo lukulwana lusinopela lusinopanikijwa nokuyabiswa kwomushule,18nokuti atitolinga kuzwinhu zwinoboneka koga kuzwinhu zwisinoboneka, nokuti zwinoboneka zwinopela, koga zwisinoboneka azwitopela.
The Word for the World International