1 BaKolinte14
1Itani kuti ludo lube chinangwa chenu, akale kwemujani kasa zwipo zwoMpepo, kasakasa chipo chokupolofita.2Nokuti yoyo unolebeleka nendimi aatolebeleka kubanhu koga kuna Mwali, nokuti apana unounwhisisa, koga unolebeleka isiswa muMpepo.3Koga, yoyo unopolofita unolebeleka kubanhu mawhi okubabaka ebasungwaja, nokubanyalaja.4Yoyo unolebeleka nendimi unozwibaka iye emene, koga yoyo unopolofita unobaka igubungano.5Ngweno ndoda kuti mwose mulebeleke nendimi, kasa kasa kupolofita. Yoyo unopolofita unkulwana kupinda yoyo unolebeleka nendimi, kuzhe kwokuti umwe etoloke, kutila kuti igubungano libakike.6Banakwaina, ndingoswika kwamuli ndilebeleka nendimi, ndomubhancha neni, kuzhe kwokuti ndimubuje zwitondejelo kana luzibo kana kupolofita kana indayijo?7Kana zwilijwa zwisina bupenyu zwinanga untetele kana kadende, zwisinobhisila pachena maando alokwejemuka, unhu angaziba chini kuti ini chimulijwa?8Akale kana lukwembo lungolila zwisilozibilika, ndiani uchazwibambanyila kulwana ihondo?9Zwili alo kwamuli, kana mulebeleka mawhi asinowhikana, biya bamwe bangawha chini zwamunoleba? Nokuti mooba mulebeleka mumpepo chete.10Muna indimi inji pasi lyose, asi apana lulimi lusina chalunoleba,11koga kana ndisinoluziba lulimi, ndoba umvakule kundebeleki akale undebeleki unoba umvakule kwandili.12Zwili alo nokunamwi, sezwo imwi nokwenu mudisisa zwipo zwoMpepo, shakisisani yezwo zwichabaka igubungano.13Nokudalo, yoyo unolebeleka nendimi unokwelela kunamatila isimba lyokutoloka.14Nokuti kana ndinamata nendimi, umpepo wangu unonamata koga indangalilo yangu aina unchelo.15Nditechini imi? Ndichanamata nompepo akale ndichanamata nendangalilo. Ndichakwimbabo nompepo akale ndichakwimba nendangalilo.16Kana zwisakadalo, kana iwi uboka noMpepo, umwe usili iwi angati, “Ameni” chini kukuboka kuko esinoziba kuti ukumutini?17Iwi ungaboka zwibuyanana kasa, koga umwe unhu aatoba asima.18Ndinoboka Mwali nokuti imi ndinolebeleka nendimi kupinda imwi mwose,19kojoba kwakadalo, mugubungano ndingada kulebeleka mawhi mashanu anowhisiswa nabanhu, kutila kuti ndilayije bamwe, kuna kuti ndilebeleke mawhi zwiulu zwiligumi nendimi jisinowhisisika.20Banakwaina, musibe bana batukutuku muluyeyo lwenu, muzwibi ibani sabacheche, asi muluyeyo mukubuke.21Mumulawo kulokwalwa kuwhi,“Tezi unoti, ndoolebeleka nabanhu yabandishingisa banhu banolebeleka indimi jobwezi,akale nemyemyeto yabavakule.Kojoba kwakadalo abatoondiwhilila.”22Nezwo, indimi ajitoba chitondejelo kuna yabo balodimbwa koga ngechabasilodimbwa, asi kupolofita akutoba kwabasinodimbwa koga badimbwi.23Nokudalo, kana igubungano lyabungana lyose, kova bose belebeleka nendimi jisinowhisisika, kungongwina basilolayijwa kana basinodimbwa, abatoleba na kuti mopenga?24Koga kana mose mukapolofita, kova kungwina usinodimbwa kana usilolayijwa, unoboneswa bubi bubwe nabose, akatongwa naibo,25isiswa limo mumwoyo mumwe linofumulwa, akale unotibhama ekuja Mwali nokushomeja eti, “Mwali nechokomende umomwamuli.”26Ani biya, ini banakwaina? Kana mwabungana, umwe nomwe unalwimbo, kana chilayijo, kana chitondejelo, kana kulebeleka nendimi, kana kutoloka. Zwinhu zwose ngazwitilwe kubakana.27Kana umwe elebeleka nendimi ngakube babili kana batatu chete, belabajana akale umwe etoleka.28Kana pesina unotoloka, unhu yoyo ngenyalale mugubungano akale ezwilebelekele ega nokunaMwali.29Lekejani bapolofeti babili kana batatu belebeleke, bamwe belingisise zwalebwa.30Kana chitondejelo chabhisilwa pachena kunoumwe ugele pelyo, wabelebeleka ngenyalale umwe elebeleke.31Nokuti mose mungapolofita umwe nomwe, kutila kuti bose belayijwe akale besungwajwe.32Akale mipepo yabapolofeti ipopasi pabapolofeti,33nokuti Mwali aatoba Mwali wenyonganyonga, koga wolunyalalo.
Sezwazwili mumakubungano ose abachena,34banhukaji ngebewhilijile mumakubungano. Nokuti abajilovumilwa kulebeleka, koga ngebezwideleje sezwinolebwa nomulawo.35Kana peli nechibanoshaka kuziba ngebebhuze balume babo kungumba. Nokuti zwinopisa ishoni kuti unhukaji elebeleke mugubungano.36Iwhi lyaMwali lyakatanga namwi, kana lyakaswika kwamuli mwoga na?37Kana pelinounoyeya kuti umpolofeti, kana kuti ndiwozwompepo, unokwelela kuti ezwitambule kuti zwandinomukwalila kulaya kwaTezi.38Kana pelina usinozwitambula yezwi, naiye neebo aatotambulwa.39Nokudalo banakwaina bangu, ibani nechido chokupolofita, akale musilambije kulebeleka nendimi,40asi zwose zwinhu ngazwitiwe zwibuyanana kutobelwa inzila inokwelela.
Sezwazwili mumakubungano ose abachena,34banhukaji ngebewhilijile mumakubungano. Nokuti abajilovumilwa kulebeleka, koga ngebezwideleje sezwinolebwa nomulawo.35Kana peli nechibanoshaka kuziba ngebebhuze balume babo kungumba. Nokuti zwinopisa ishoni kuti unhukaji elebeleke mugubungano.36Iwhi lyaMwali lyakatanga namwi, kana lyakaswika kwamuli mwoga na?37Kana pelinounoyeya kuti umpolofeti, kana kuti ndiwozwompepo, unokwelela kuti ezwitambule kuti zwandinomukwalila kulaya kwaTezi.38Kana pelina usinozwitambula yezwi, naiye neebo aatotambulwa.39Nokudalo banakwaina bangu, ibani nechido chokupolofita, akale musilambije kulebeleka nendimi,40asi zwose zwinhu ngazwitiwe zwibuyanana kutobelwa inzila inokwelela.
The Word for the World International