1 BaKolinte13
1Kana ndilebeleka nendimi jabanhu nejejingilozi, koga ndisina ludo, ndinsimbi yezhoba kana isangusangu limungengeja.2Akale kana ndikaba nechipo chokupolofita, akale ndiwhisisa isiswa lyose noluzibo lwose, akale kana ndikaba nokudimbwa kwose kunonyamula matunhu, koga kana ndisina ludo anditoba chinhu.3Kojoba ndingokobela basheti, zwose zwandinanazwo, kana ndikapila umbili wangu kuti upiswe, koga ndisina ludo, apana chandichawana.4Ludo lunamoyondefu akale neshe, ludo aluna ifupa, kuzwifufumula kana kuzwida.5kana kusonya. Ludo alutoshaka zwalwo unshajiwose, alutonyetela kana kubwilizila,6alutoshantila zwisakalulama, koga lunoshantiswa nechokomende.7Ludo lunotambula zwinhu zwose, lunodimbwa zwinhu zwose, lunobimba zwinhu zwose, lunosungwala pazwinhu zwose.8Ludo alutojiba, koga zwobupolofita zwinoopela, zwendimi zwinopela, luzibo lunoopinda.9Nokuti luzibo lwedu lushoma akale kupolofita kwedu akulopelelela,10koga zwilopelelela zwingoswika, yezwo zwisilopelelela zwinoopinda.11Ndichi uncheche ndakabelebeleka soncheche, ndiyeya soncheche, ndilangalila soncheche, pandakaba unhu unkulwana ndakasiya inzila jobucheche.12Kwangweno atijimubona zwibuyanana muchiboniboni, koga noyo nshaji tinoobona pechiso nechiso. Ngweno ndoziba chikamu, yopo ndoowhisisa zwizhele, sobundichawhisiswa bo zwizhele.13Yezwi zwitatu zwinogala zwilipo, kudimbwa, lubimbo, noludo, koga chikulwana panezwi ludo.
The Word for the World International