1 BaKolinte12
1Banakwaina, ngweno penyaya yezwipo zwoMpepo, anditoda kuti mube basinoziba.2Munoziba kuti musanu mwadimbwa kunaMwali, zwisinani kuti mwakabasengwa chini, mwakabakalashikila kuzwimwali zwisinolebeleka.3Nokudalo ndoda kuti muwhisise kuti apana unhu ulotungamilwa noMpepo waMwali angati, “Jesu fhizhwa!” Akale apana angati, “Jesu ndiTezi,” kuzhe kwoMpepo uNchena.4Pana zwipo zwenduji jilosiyanasiyana, koga uMpepo umwempela,5akale pane induji jilosiyanasiyana jemishingo, koga Tezi unoshingilwa umwempela,6akale pana induji jilosiyanasiyana jonshingilo, koga ndiMwali umwempela unopa bose kutubula kuta yezwi zwinhu mubanhu bose.7Umwe noumwe ulopiwa zwitondejelo zwoMpepo kutila kuti zwinakile unhu wose.8Kuna umwe, uMpepo unopa kulebeleka kwobuchenjevu, akale kuna umwe kulebeleka kwoluzibo zwiva kuMpepo umwempela,9kuna umwe, kudimbwa noMpepo umwempela, kuna umwe zwipo zwokuchilisa balwaji noMpepo wakaleyo,10kuna umwe unshingo wezwishamiso, kuna umwe bupolofita, akale kuna umwe kutubula kusiyanisa mipepo, kuna umwe indimi jilosiyanasiyana, kuna umwe kutolika indimi.11Zwose yezwi zwinonyungumulwa noMpepo umwempela chete, unokobela umwe noumwe chiche sokuda kukwe.12Sezwo umbili uli umwempela koga una imhingu inji, akale jose ngijombili, kojoba jili inji, umbili umwempela, Kristo neebo uli alo.13Nokuti noMpepo umwempela isu tose takabhabhatizilwa mumbili umwempela, baJuda kana baGiliki, balanda kana balosupunuka, akale tose takanwiswa wakaleyo uMpepo umwempela.14Nokuti umbili autoba imhingu imwempela, koga inji.15Kana igumbo lingoti, “Nokuti anditoba luboko, anditoba imhingu yombili,” yezwi azwingate kuti lisibe imhingu yombili.16Akale kana inzebe ingoti, “Nokuti anditoba izhisho, anditoba imhingu yombili,” yezwi azwitota kuti isibe imhingu yombili.17Ngana umbili wose uli izhisho, kuwha kwaluba poni? Umbili wose ngana ulinzebe kunhuwija kwaluba poni?18Koga sezwazwili, Mwali wakabiga mumbili imhingu jilosiyanasiyana, imwe neimwe sokulonga kukwe.19Ngana imhingu jose jili imhingu imwempela, ngana umbili uli kupi?20Sezwazwili kuna imhingu inji asi umbili umwempela.21Izhisho alingati kuluboko, “Iwi imi anditokushaka,” kana akale unsholo uti kumakumbo, “Imwi imi anditomushaka.”22Koga, yejo imhingu jombili, jinoboneka jilinobutela, jilokosha,23akale imhingu jombili jisinokujika, tojikuja kasa, yejo imhingu jinopisa ishoni tojifuka nolulemeso,24zwisinodikana nemhingu jedu jinoyebeka. Koga Mwali wakabumba imhingu jilosiyanasiyana kuba umbili umwempela, epa lulemekejo lukulwana kumhingu jinoshundwa,25kutila kuti kusibe nokusowhisisana mumbili, koga kuti imhingu jilondotane.26Kana imhingu imwempela ingolwala, jose jinolwalabo, kana imhingu imwempela ingokujwa, jose jinoshantila pamwempela.27Ngweno imwi mumbili waKristo akale umwe noumwe imhingu yawo ilosiyana yawo.28Akale Mwali wakagaja mugubungano kutanga, bapositoli, chabili bapolofeti, chatatu balayiji, kukatobela bashingi banota zwichenamiso, kukatobela zwipo zwokuchilisa, babhanchi, bakwendesi bamakubungano, nabanolebeleka indimi jilosiyanasiyana.29Bose bapositoli na? Bose bapolofeti na? Bose balayiji na? Bose banota zwichenamiso na?30Bose bana zwipo zwokuchilisa na? Bose banolebeleka nendimi na? Bose bangatoloka indimi na?31Asi imwi mukwemuja zwipo zwilokosha kasa.
Akale ngweno ndomutondeja inzila imbuyanana kasa.
Akale ngweno ndomutondeja inzila imbuyanana kasa.
The Word for the World International