Keuliakegai19
1Aipaudung de cai tinggim gade mina maadi kwage kenzwa ge sahbak eh kerang Ih siu, “Hallelujah. Kelikelu, kendu, nah kengkieng au anui Tinggwang gulie.2Pe tutiakdung au kesang nah nzeu,kedanemene pa helipuipe kemmha le kideu de teihera kedipui de mmau dida.Pa pe kilame de teitset kedineTinggwang pecu saja peu dida.”3Pecai pia pekenabe penui sahgai: “Hallelujah! Pe pum ru kebam gade mika kelungta kah bam dida.”4Hangkiame ngkaiemdai nah ringkela kaudung mdai de hegwangbam ga kebambe Tinggwang de keumie recadi, “Amen. Hallelujah!” de eh.5Pecai hegwangbam gade makwa ge pet eh ranggai, “Anui Tinggwang de twalu,pe kilame pelane,nah pecu hing kelamedung,keceume nah kedime de.”6Pecai Ih makwa ge mina maadi kwa kenzwa ge, dui kekiee kenswak kwa nah tingceu süt kecu kwa nzwa siu, “Hallelujah! Kedanemene Rampaube anui Tinggwang Ngkiengtube hegwang tei dida.7Anui suiyi nah renga ehpecu hetwa peu gokedanemene Meurünna laktak ngyi de gwang bam dida,nah pe lakciubepui de pecu mtei luda.8Pecu peu bah keranelangcim pai keyi mci nah kemhei kecu ge peu dida”(Langcim pai keyi de au kemcimedung kesamsang batadung da).9Pecai tinggimgwabe a dage ranggai, “Aide raulu: Meurünna laktak ngyi gage qugai kelumedung au samlam pungtu lie.” Pa a dage ranggai si, “Aidungde Tinggwang samdung kesang da.”10Ge Ih pecu reca zie lie pe pibang ga keumie, dede pa a dage rangdi, “Cide tei so! Ih au nang nah n siname, Jisu ha zierang tei kelame de ngngwa kila zangme gelu. Tinggwang de rünne reca lu. Kedanemene caihakecisam rang kera helung teigai kebeu au Jesus ha zierang tei kerane lu.”11Pecai Ih tinggim ngkei eh ngau, nah cika hekwen keha ge bam. Pereu ga cwakelabe de kesamsang nah kesangbe lie qu, nah pa kesamsang teu hetutiak nah regila.12Pe miak au miheu nzwa, nah pe peu ga hegwangpeurwadung kekiee ge bam. Pa hezi ge pe peu ga rau pungla, cide pa gwale migede ci ma.13Pa pai hejai gage mpung keluge bahla, nah pecu qu kela zi cai Tinggwang Sambe.14Tinggim reugwamedung langcim pai keyi, keha nah mcigi ge bahlwe hekwendung keha gade pecai suila.15Pemui gade kingtie pemui keyi ge pet, iciu eh pa cide teu heleuhdung de bilu kerane, nah pa hegeutie ge teu penui reu dizie. Pa Ngkiengtube Tinggwang lunghop kesia zauniakbam gade zau dau mpet zie.16Pe pai ga nah pe mnie gage hezi: “Hegwangme reu Hegwangbe nah kengkieng keteume reu Rampaube,” de eh rau pwala.17Pecai Ih tinggimgwame ge tingnaimiak ga sapbam eh ngau. Pa tingkam ga nruinedung lim kela pelane de qu sahbak eh ranggai, “Gwanglu, Tinggwang taktyei kedi de ziemne ngkwa lu,18ciude nnui hegwangme, muibedung, kengkiengme, hekwendung nah penui reu ga cwa kelame, nah mina pelane, suirangme nah hebaangme, nah kedi nah keceume teih tyei lubui.”19Pecai Ih teikuu, nah kideu ga hegwangme nah penui reugwame de ngau. Penui hekwen reu cwa kelabe nah pe reugwame de regi kerane gwang ngkwalu.20Pecai teikuu de tuilu, nah pecu ngngwa kenret caihakecibe, pe dwagade miswakegah bata tei kegaibe de si, cide le pa pekaugiak kelumedung de nah pe mie de reca kelamedung de cwadi. Aipau kenade de mring mijaai sulfur ru kebam gage kelien gaidi.21Reugwame kedame pelane de hekwen reuga cwa kelabe kingtie, pe mui gade kepet de teu bitsetdi, nah nruine pelane penui teih tyei setlu.
Bridge Connectivity Solutions Pvt. Ltd.