Keuliakegai18
1Aipaudung de cai Ih tinggim gade tinggimgwame kedage nghungla eh ngau. Peda kengkieng kedi bam, nah pe kendu ne kideu gi mbaahadi.2Pa ngkiengsüt eh sahbak eh ranggai, “Babylon kedide kau dida! Pa herakesiabedung kebam ni ge tei dida,mcikemak rabe leune ziemne kemsiu ni ge,nah mcikemak nah kengkau ruine leune ziemne kemsiu ni ge dida.3Kedanemene heleuh pelane pe kemmha zau gade sak luda.Kideu ga hegwangme pecu ngngwa mmha dida.Kideu ga heliketeime pe kemmha kengkieng gade mahei luda.”4Pecai Ih tinggim gade makwa kedage rang eh siu,“A minadung, pe dade mpetlu, iciu de nnui pe kemaudung ga ncüt melu kerane,nah pe kengkapdung ngau melu kerane.5Kedanemene pe maudung tinggim hu ge hekwa luda,nah Tinggwang pe bata kesiadung de nsung luda.6Pa mi dage tei kegai de kesiakge pe dage tei gailu,nah pa tei kegai kena kieege peu dai beulu;pa hai kebeu piak de gage pecu kena kieege hai beulu.7Pa pekatei pecu ndu nah kehega eh kelungh kieege,pecu keherei nah lungrei peulo.Kedanemene pa pelung gade rangla,‘Ih hegwangpui ge tei eh bam;Ih au hemipui ge ma,nah Ih kehap madaude ngaulak.’8Ciziemne tingnai ge gage kengkap peda gwang zie:ketsai, kehap, nah herakum.Pecu mi ne ru dizie,kedanemene Rampaube Tinggwang au ngkieng, nah pa au pe tutiakbe lu.”9Kideu ga hegwangme pecu ngngwa kemmha nah kenlwangme, pecu keru mika de ngaulu de pecu helung sia eh hap zie.10Penui pe reide kehingne kemdei ga sap eh rang zie, “Aiya, aiya namdi kedi,Babylon, kengkieng namdi de!Kedanemene bamdakkak ket gage n tutiak gwang dida.”11Pecai kideu ga heliketeime pe ziemne heei eh hap, kedanemene migede pegu malui sita kedine,12kecak kezwaniadung, rangkanggeu, tangtsu pemi kehung, tsugadung, langcim pai, gieremang pai, silk, giereba pai, perim ketei tsing ketsamtsam leune, hepwa ngeu le teikelu mania leune, nah tsing keyi le teikelu mania leune, hetageu, hegeu, nah marble,13tamteimah, mosala, marim kehengui, tsingtsam, nah tsingca, zau nah maca, tokkui nah wheat, ketum nah meurün, hekwendung nah bagidung, hebaangme, nah minadung.14Nang hengin kela tsi de n dade gah dida. N mahei nah n kendu n dade tet dida, nah nang cidungde madaude ngau daigai lakta.15Ma aidungde heliketeime pe ziemne mahei kelume bau, kemdei ga sap zie, kedanemene pe reide hing kedine. Penui heei eh hap ntei dizie.16Penui sahbak eh rang zie, “Aiya, aiya namdi kedi,langcim pai, gieremang, nah gierebateu bah,nah kecak, pemi kehung tsudungnah tsugadung kailwe kebam de!17Kedanemene bamdakkak ket gage mahei pelane teimsia dida.”Liem keteu kedime pelane, tet kelame leune, liem ketaume, nah jaaidi gade penui pok hi tyei kelame, kemdei ga sap bam.18Penui pecu ru kebam mika de ngau eh mragai. Penui rangdi, “Namdi kedi aikenzwa namdi daiga bamno?”19Penui suisia eh penui peu gage rebui mrokgai, nah heei eh hap eh sahbak gai, “Aiya, aiya namdi kedi de,jaaidi ga penui liemdung kebam leune,pe mahei gade hei kelumedung.Kedanemene bamdakkak ket gage pecu tei ngkapdi delu.”20“O tinggim, pe ziemne n suiyilu,nah nnui kemcime, langkegaime, nah caihakecime,kedanemene pa nnui dage tei kegai ziemne Tinggwang pecu mmaudi delu!”21Pecai tinggimgwame ge ngkiengsüt kecu ge tangtsu tsuniakkang kedi langge pwa cuhlwe jaaidi gage keliengai, eh ranggai, “Ainzwa eh Babylon nam kedi de,kelien nghung gi dizie,nah madaude ngau dailak.22Leibung kwa nah leiketeime kwa,terwaine nah telui kekwame kwadung de,n dade madaude siu dai lakta.Heciemta keteime keheibe den dade ngausi dai lakta.Ma niak kecu kwan dade siu dai lakta.23Mitaubung baa demadau gede n dade baa silak.Lakciupei nah lakciupui kwadungn dade siu silak,n gu heliketeime au kideu ga ditumedung,kedanemene heleuh pelane de n reka teu eh cwa dida.24Pe dade kemcime nah caihakecime,nah kideu gade teitset kedime pelane jai ngaulu.”
Bridge Connectivity Solutions Pvt. Ltd.