Proverbs9
1Maci peki tei luda; pa tangtsu gade hetsia hena teilu.2Pa pe kaune daptset luda; pa pe zau hai luda, nah pa pe taktyeibam mtei luda.3Pa pe kilapuidung de langgai dida; namdi heni kecehudung gade mide qugai kerane,4“Cauge mang eh lano? Peu pecu aika nreu gwang lu!” Pe mriak kegahme dage pa ranggai.5“Gwanglu eh a taktyei tyeilu, nah Ih zau hai kelude saklu.6Macikemak tadung pütdi eh lungh lu; maci lampui ga tetlu.7Mide rang kemsiabe de ledeu kelabe kemneu ngau zie, nah mina kesiame gede ledeu kelabe kekii ngau zie.8Mide rangmsia kelame de ledeu so, pa ncu nkau dizie; kemriakme gede ledeu lu, iciude pa ncu hung zie.9Kemriakme gede ledeulu, iciude pa mriak si luzie; makesangme gede ledeulu, iciude pa maci siki luzie.10RAMPAUBE mie kehing au maci bangdwa be, nah Kemci Tinggwang lungcet au maci. 11Kedanemene a dade n tingbaziedung teingkiee luzie nah n mmi kekiee ge n teilung gage kaisi beuzie.12Nang mriak cai, nkatei n ziemne mriak bamda, nah nang mide rangmsia cai, nang cide nkatei n püt zie.”13Kemang puige au maci ma; pecu ledeu ma nah pa magede cima.14Pa peki kimui ga bamla, namdi cehutu ga teibam ga bamla.15Pa mina puidiki ga kah kegwangme de qubam, minadung pe lampui ga mzuizang eh tet kelame de.16“Kemangme keheibe de peu aika nreu gwanglu,” Mina kemieme dage pa rangla,17“Dui rega kelube au kum, nah hebaipwa kebam tangku au nggum.”18Dede pa au cika ketsaime bamlie kecu cima, pa qukelu pe giamedung au Sheol kecok ga bamlie kecu.
Bridge Connectivity Solutions Pvt. Ltd.