Job10
1Ih lungh leu dida; Ih kencam ga nzaha eh rang zie; Ih a lungka le marang zie.2Ih Tinggwang dage rang zie, ‘Acu ntaku mmau di helo; dai ziemne acu mmau labi ranglia lo.3Nang acu tei keherei kelade n ziemne kehega kecuge ni, nang tei kegaide mlaidi kera delwe kenlienme ciemdung de ga n sui bam kecu?4Nang pumteih miak bam ni? Nang mina kengau nzwa ngau ni?5N tingba ziedung mina ziedung nzwa ni? Nah n mmidung de mina mmidung nzwa ni?6Iciucai nang daitei Ih kesia ketei pelane peei nah a mau pelane gwa eh peei lano,7Ih maula kemak nang cibam liede migede acu n ba gade keli gailak.8N ba le acu teilu nah kemuilu nah cu cipau ba de ne acu ngkap bam dida.9Nang acu tangdei le tei kelu nsung gailo, Ih kiela; nang acu tei kecai pwa rebui tei daidi zie ni?10Nang acu lungh lu kera kengkieng a pei de peu; nang acu a pui za gade peu lungh cu lu.11Nang a pum teigeu nah teihci le kezui lu nah teiradung nah mneiriadung le tei ncütlu.12Nang acu kering nah samkak kelu samsang peuda, a rabe n kengha ne acu gumbeu da.13Dede nang aidungde n mlung ga kebai pwabam, Ih cibam nang aidungde cet kebam:14Ih kemau teigai cai, nang cilu zie; Ih kesia tei kegai de nang a mau gibeu lak.15Ih kemau tei dicai, ainie, ada keherei gwang zieda; nah Ih samsang gai liede, Ih a peu ngang cuh gailak di, kedanemene Ih kengngam le pui pungbam di delu, a reidung pie gailo!16Ih a peu ngang cuh la cai, nang hingho ge nzwa acu gwazui miela; nah acu rezam gai kera nang miswakegah kengkieng batadung kecang de teila.17Nang acu mmau eh zierang keheci ngngwa gwang lula nah acu n rata de direureu cuhla; nang acu gwaketang ciem keheci riem bam muila.18Daitei eh, Tinggwang acu peu apui za gade mnalu dino? Migede acu ngau kemakne ge Ih tsaidi neu dege.19Ih madau de lunghgwang kemak nzwa dizie; apui za gade herau ga nzuigwang dizie dege.20A teilung cangdi kera kecam nage melui ni? Mtaklu iciude, acu peu akatei dilu, iciu eh Ih peting kiekemak nage mtaklu kerane.21Ih caili gwang dai kelak ga mie kedi dwa, kemui nah ketsai tingkaumie deu ga,22muisum nzwa kemui deu ga, ketsai tingkaumie deu, kehebwak deu ga, cika kebaa liede muisum nzwa.’”
Bridge Connectivity Solutions Pvt. Ltd.