Job11
1Cidau Naamahmepei Zophar pe sam keligai,2Sam kekiee cidungde keli beu kerabe meni? Aipau pei de, marang pui kebam de de nlumlu buini?3Nang hegie kebam de ne kedamedung de peu mlei mene bam zieni? Nang mide rang msia kecudau, migede ncu tei ngngam di lak ni?4Kedanemene nang Tinggwang dage ranggai, ‘A kenlum au mci, Ih n miakngau gade kemau ge de gah.’5Dede, oh, Tinggwang de peu n dage maranggai eh peu ncu ledeu beu neu da;6peu pecu maci kecuk de ncu keulia gailo! Kedanemene pe da maci kieesüt. Tinggwang au n maudung ziemne ngaulu kebui swade cam eh ncu saja peula.7Nang Tinggwang de kepeei gade pecu ci lubui ni? Nang ngkiengtube de ci cangsiak lubui ni?8Aide au tinggim hu ge da; nang daipai teilu buino? Cide au Sheol swade cok; nang daipai cilu buino?9Pe ndet au kideu swade tie, nah jaadi swade di.10Pa magade kahgwang eh keheibe de de baang dicai, mede pa keheibe de tutiak gage qugai cai, cauge pecu kam lubui no?11Kedanemene pa kenretme de cila; pa kemau ketei kengau dau, pa cide mcetla meni?12Renaam gada mina ge de mna lula kemak nzwa, kemieme au makecime ge tei gailak.13Dede nang n mlung mtei pwa bam eh nang n ba Tinggwang dage hetwapet pwa bam cai;14cipau kemau ta de n ba ga bam liecai, nang n dade cide keu kemdei dilu, nah n ramzeuki ga petaukemak ge de peu lungh diso.15Cidau n da hengam gede gah eh nang ngang cuh luzie; kesang, nang n sap ntip luzie nah ngngi dilak.16Nang n reidung de nsungta dizie; nang cide dui lwatet kedi be nzwa nsung gai eh ta dizie.17N teilung au tingna kebaa swade baa ki zie; cika kemui bam de, cide tingcang nzwa dizie.18Cika keregui kebamne nang kwak luzie; kesang, nang n da kwak kebam ngau luzie nah kwak kebam gade kemtak ngau luzie.19Mige ne de ncu keheu di mene nang mtak luzie; nah, mi kekiee ge n ngha kie zie.20Dede kenlienme au ngkap dizie; penui pak gai kera lampui gah dizie; penui keregui au ketsai rünne dizie.”
Bridge Connectivity Solutions Pvt. Ltd.