Isaiah50
1RAMPAUBE ainzwa ranggai,“Ih n puide tah kedi lakchak tei kebeu laisiu daiga bam no?Ih hepaupung kelame cau dage ncu zwa beu dino?Pielo, n maudung ziemne ncu zwa di, nah n takesia ziemne, n pui de langgi dida.2Ih kegwang dau daitei migede cika bam meno? Ih qu kegai dau daitei migede keli beu meno?Ncu heriak lu kera a ba ceu ham dini? Ncu kelilu kera a da kengkieng bam meni?Pielo, Ih a rata gade jaaidi tei canghdi; Ih kereukidung hangdeuketsai ge teidi;penui gu heka dui kegah ziemne tsai di nah tim di.3Tsaibai tariem ga nang bah kela rosopai de; Ih cide rosopai le teu bahcim di.”4RAMPAUBE Tinggwang rang kerabe acu ledeubeu,ciu eh rei kelame dage kehecung sam ge ranglu kerane;tingcang ramsang pa acu nkia ncuh beula; ledeu kelume nzwa peu siu kera pa a kwen ngkei beula.5RAMPAUBE Tinggwang a kwen ngkei beu,nah Ih keregi tadi, mede Ih caisim tetti ma.6Acu dap kebamme de Ih a caile ndwa beu, nah a muimai pai kebamme de a zu tu punglie beu;Ih hengam nah kemneeu tah ketei gade a zu kebai dima. 7RAMPAUBE Tinggwang acu ngha beu zie kecune; cine Ih ngngam di ma;cine Ih a zu tangtsu nzwa tei taklu, kedanemene acu hengam gage kaidi kelak Ih cibam.8Tinggwang acu kemzeube pwapeu kerabe au mna bam. Cau ge acu renia zie no? Anui sap eh hangge ge de renia go.Acu mmau kelabe cauno? Peu pecu a taiga gwang nna lo. 9Pielo, RAMPAUBE Tinggwang acu ngha zie. Cauge acu kemau ndam lulai?Pielo, acu mmau kelame pelane paiheni ge nzwa hegwa dizie; taklei ne penuide tyei ciak dizie.10Nnui kakga cauge RAMPAUBE de hing lano? Cau pe kilabe kwa kingnei lano?Cau muiting kecu ga kebaa teu mene tet lano?Pa RAMPAUBE zi gade nlum nah pe Tinggwang da ngngei eh bam maisia.11Pielo, nnui mi ketaume leune, kebaa bungdung teu eh mtei kelume:n miheu baa ga tetlu nah nang teiheu kelu miheudung baa gade.Aide nang a dade ngau luda: Keherei kecu ni ga nang zeumie zie.
Bridge Connectivity Solutions Pvt. Ltd.