Isaiah51
1RAMPAUBE rangla, “A kwa kingneilu, nnui makesang de zui kelame, nnui RAMPAUBE de peei kelame:ncu heruikelu tsukang de de pie gailo nah tsupang bam gade ncu pang kelu de.2Nnui pau Abraham de pielo, nah Sarah nnui pe dade lungh gwang kelu; kedanemeneIh pecu qu gai, pa au hena gah. Ih pecu samlam gai nah pecu tei ngkiee beu.3Yeo, RAMPAUBE Zion de teirelui beu zie; pa pe deu kemta teikedi ni leune teirelui beu zie;pe hetaideu pa Eden nzwa teilu, nah hangdeu ketsai langkie deu Jordan Reuki langkam taiga kebamde RAMPAUBE gurie nzwa teilu;pe da suiyibe nah misuikeyi ngaulu zie, hetwakepeu, nah lei ketei kwa.4“Acu kingnei sünne lu, a minadung; nah a kwa kingneilu, a minadung!Kedanemene Ih hezai ge peugai zie, nah Ih heleuhdung ziemne a kemzeu de kebaa ge teibeu zie.5A masangbe au nna bam; a kelikelube tet pet zie, nah a ba heleuhdung tutiak zie;duigwadeudung acu kwa zie; penui a ba de neunga eh kwabam zie.6Tingkam le nnui miak pie cuh gai, nah hangdeu lambie pie hung gai,kedanemene tinggimdung au mika nzwa gah dizie, hangdeu au paiheni nzwa rim dizie, nah cika kelunghme tamainedung nzwa tsai dizie.Dede a kelikelu au bammui zie, nah a masangbe madaude mtakti mene hetah teibam muizie.7Acu kingneilu, kesangbe dai bi nang cibam, nnui mlung ga a zai kaipwa kebam nnui minadung:Mina ncu kii kecune ngngi diso, mede penui kemneuta tei kegaine nlungsia diso.8Kedanemene taklei ne penuide tyei ciau dizie paiheni ge nzwa, nah penuide tangseu ne mamai pai nzwa tyei dizie;dede a masangbe au kelunghta zie, nah a kelikelu ceheudung pelane da bam zie.”9Mraklu, mraklu, RAMPAUBE ba, nkatei ncu kengking le cumlu.Ndaa tingbadung nzwa cuhlu, ndaa ceheudung tingdau nzwa.Rahab de nangne tei kecai meni, nang neidi de dang kedibe?10Nang jaaidi de teicangh meni, cok süt eh kebam duidung de,nah jaaidi gu pecok de gade peu keli kelume de tetkah kera lampui ge teibeu meni?11RAMPAUBE ne kelikelume cailigwang zie nah Zion da suiyi lei tei eh gwang zienah penui peusui ga suiyi kelunghta bam zie; nah suiyi nah misuikeyi penui da gwang dizie, nah misuikesia nah lungrei gah dizie.12“Ih, Ih, au n lung taumla kebeube.Nnui daitei mina de hingla no, penui tsai zie, mina napeidung, tsehei nzwa tei kelume de?13Daitei nnuide Teikegaibe RAMPAUBE de nsungta dino, tinggimdung tei kegaibenah kideu bangdwa dwa kegaibe de? Nang au tingba ramsang ngngi bammide teikeherei kelame rata de ziemne pa ngkap di kera cet kegai dau. Mide teikeherei kelame rata de daiga bam no?14Tui baang kebamme de, RAMPAUBE kelwa eh lungmpet zie; pa tsai eh hekwaki ga nghung dilak, mede tyei kera gah dilak.15Kedanemene Ih au n RAMPAUBE Tinggwang, jaaidi cuidung kwa de tei mlai kegaibe, pe zi au reugwame reu RAMPAUBE.16Ih a samdung n mui gage kai dida, nah Ih ncu a ba mie kang gage gum pwabam,ciu eh Ih tinggimdung de linglu, kideube bangdwa dwalu, nah Zion dage rang eh, ‘Nnui au a minadung.’” 17Mraklu, mraklu, cuhsap lu, Jerusalem,nnui RAMPAUBE ba gade sakmie kelame pe rata kwak gade;nnui hekwak gade sakmie kelame, mide tei tanglia kela piak hung pesing gade sak kelume.18Pa ne nna kelu pe namedung leune kakgade migede pe lampui saubeu kera gah;pa ngkwet cuh kelu namedung leune gade peba teubeu kera migede bam ma.19Aipau keherei kena n da gwang, caune ncu nggia zie no?,Suisiet nah kengkap, nah rapia nah kingtie. Cau ne n lung taumla zie no?20N napeidung kauzeu dida; penui kenret la lampui kung leune gade, baih ga heti ge nzwa;RAMPAUBE rata ne penui da pui eh bam, N Tinggwang gu rata.21Dede cu aide kingneilu, nang hangge de teikeherei nah sakmie eh kela ge de, dede zau sak eh mie ma:22N RAMPAUBE Tinggwang, n Tinggwang, pe minadung pe nggiadung kie beu kelabe, ainzwa rang,“Pielo, Ih n ba gade ncu tei tanglia di kela piak keuteu dida,hekwak, a rata piak de, ciu eh nang cide sak si tadi lu kerane.23Ih cide ncu teikeherei kelame ba gage kaibeu dizie, n dage rang kecume, ‘Zeu mielu, ciu eh anui n reuga tetlu kerane’;nang n gim de hangdeu nzwa tei nah penui tet kera ziemne lampui be nzwa.”
Bridge Connectivity Solutions Pvt. Ltd.