Hosea2
1N sinamedung dage ranggailo, ‘A minadung!’ nah n tipuidung dage ranggailo, ‘Nnuide de ngaugia pwalia gaida.’”2A name, nnui pui de kemmau teugwang hetu tulo, hetuhera ge teugwanglu,pa au anau mede kecune,nah Ih pe nahpei meda.Pecu peupe helita de pedade keugi dilu, nah pe kemmha ta de pe tung kena kakgade.3Mecai, Ih pecu peu paaula dizie nah pe paaula de peu pecu kemna tingba benai nzwa lia gai zie. Ih pecu peu hetaideu nzwa dizie, kideu cangh kedibe nzwa, nah Ih pecu peu hereu eh tsai dizie.4Ih pe namedung de peu ngaugia bamta dizie, penui au helili kecube pui namedung kecune.5Penui pui au helipui ge kecune, nah penuide tetlak kelupui au hengam ta teidi. Pa rangdi, “Ih a mraimedung caisiu zie, penui acu tangku nah dui, a painidung, a gu maca nah zau pwapeu la kecune.”6Cine Ih pe lampui kaamdi kerane hetu le herie rie dizie. Ih pecu mmau eh herie teicu dizie iciu eh peu pecu pe lampui ngaulu tadi kerane.7Pa pe mraime de zuimie zie, dede pa penuide gwacang gailak. Pa penuide peei zie, dede pa penuide ngau gailak. Pecai pa rangzie, “Ih a nahpei raitube da cailigwang zieda, kedanemene cide au cuswa a ziemne yiki zie kecune.”8Kedanemene pa au Ih ne pecu meiciu zauci nah maca kepeu ci ma, nah rangkang nah kecak peusüt kegai cibam me kecune, cide pecai penui Baal ziemne teu eh bamla.9Cine Ih luhlüt dau pe meiciu keu caili dizie, nah peting dau a zauci de. Ih agu mamaipai nah helangpai keu caili dizie pa cide teu bahteu kelade.10Pecai Ih pe mraipeidung dwa pecu tei paaula gaizie, nah mige de a ba gade pecu keli beulak.11Ih pegu hengyidung de peu penli dizie, pe hengyidung, pe keici ngyidung, pe sabbath ngyidung de, nah pe renet ngkwa pelane.12“Ih pegu kubetsidung nah pegu tangzüt bangdung ngkap dizie, cide ha pa rangbam kelade, ‘Aidungde a mraipeidung ne acu kepeu ziehidung.’ Ih penuide hegung ge teibeu zie, nah renaam ga makaunedung cidungde tyei zie.13Ih pecu baaldung de kerecadung saja peu zie, pa penui dage kehengui ru kegai dau, pa pegu bakapdung nah henetdung teu hezutei keludau, nah pa pe mraipeidung da mie eh acu nsungta kedidau, Aide RAMPAUBE ndu gaila.”14Cine Ih pecu ngaudia luzie. Ih pecu hetaideu ga ngngwa mie pedage sam kenciep rangzie.15Ih pecu pegu kubeluhdung peudai dizie, nah Achor Langkam de keregui kikam ge tei zie. Pa cikade nda pe relei dau nzwa a sam keli beuzie, pa Egypt deu gade kempet dau nzwa.16“Cipau nai, aide RAMPAUBE ndu kegai, nang acu, ‘A nahpei,’ de qu zie, nah nang acule, ‘A Baal,’ de eh qusi lakta.17Ih penui mui gade Baal zidung keugi dizie, penui zidung nsungla sita dizie.”18“Cipau nai Ih penui ziemne renaamga makaunedung de ngngwa samkak ge tei luzie, tinggim ga nruinedung si eh, nah kideu ga bwakela kaunedung si eh. Ih lakpi, kiengtie, nah kideube gade hereu aidung gwagi dizie, nah Ih ncu peu kwak eh zeu luzie.19Ih kelungta n nahpei teilu kera sampet beuzie, Ih masang, nzui, kesamsang, nah ngaugia gade n nahpei teilu kera sampet beuzie.20Ih samsang eh ndage sampet kegai teizie, nah nang RAMPAUBE de ci luzie.21Cipai nai, Ih samli peu zie, aide RAMPAUBE ndu kegai, Ih tinggimdung de samli peuzie nah penui kideube de samli peu zie.22Kideube meiciu, zauci nah maca de samli peu zie, nah penui Jezreel de samli peuzie.23Ih penuide a ziemne kideube gage ling luzie, nah Ih Lo-Ruhamah de ngaugia peu zie. Ih Lo-Ammi dage rangzie, ‘Nang au Ammi Attah,’ nah penui adage rangzie, ‘Nang au a Tinggwang.’”
Bridge Connectivity Solutions Pvt. Ltd.