Hosea3
1RAMPAUBE piage a dage rang dai, “Mie daicu, mipui ge de hunglu, pe nahpei ne hung kelage de, dede helili kelapui gede, pecu hunglu. RAMPAUBE Israelme de hung kela nzwa, pecu hunglu, penui hera kedadung da nreu gwang eh kubetsi kekibe ne teikelu tangku de hungdi liede.”2Cine Ih pecu a ziemne rangkanggeu kereimengei nah barley homer ge nah lethek ge le luilu. 3Ih pedage rangdi, “Nang tingbazie kekiee ge acu ngngwa lung maisia. Nang helipui ge teilak mede mi kedame gu teilak. Cinzwa, Ih ncu ngngwa luzie.”4Israelme au hegwangpei ge, hegwang napei, ratak, tsusum, hekeutupai mede kilung kelak mamiedung si mene lunghzie kecune.5Pecai Israelme cailigwang zie nah RAMPAUBE, penui Tinggwang nah penui gwangpei David de peeizie, nah kamtule bie, penui RAMPAUBE nah pe keyi dwaga mbeu eh gwang zie.
Bridge Connectivity Solutions Pvt. Ltd.