Hosea1
1Judah deuceu ga hegwangmedung Uzziah, Jotham, Ahaz nah Hezekiah, Beeri napei Hosea tingdau nah Israel gwangpei Joash napei Jeroboam tingdau RAMPAUBE sam aide gwang.2RAMPAUBE Hosea dade marang raitu kecudau, RAMPAUBE pe dage rangdi, “Miecu, helipui gede n nau tei kera luulu. Pa pename lungh luzie helili gade. Kideube au helili süt bam kedine RAMPAUBE de pütdi eh.”3Cine Hosea mie Diblaim napui Gomer de pe naulu, nah pa tetlak lwe mipeina ge pecu mna beu.4Pecai RAMPAUBE Hosea dage rangdi, “Pezi Jezreel qulu. Kedanemene tiemene Ih Jehu kelak de saja peu zie Jezreel ga hejai teilwa kegaine, nah Ih Israel kelak gwangram de peu penli tei dizie.5Cide Ih Jezreel Langkam gade, Israel lakpi teicum kegai benai teigwang zie.”6Gomer tetlak dailwe mipuina ge mna lu. Pecai RAMPAUBE Hosea dage rangdi, “Pe zi Lo-Ruhamah qulu, kedanemene Ih Israel kelak dage ngaugia bamsi lakta nah Ih penui mau gibeu lakta.7Dede Ih Judah kelak da ngaugia bam zie, nah a katei penuide kelilu zie, Ih RAMPAUBE penui Tinggwang. Ih penuide lakpi, kiengtie, hereuketei, hekwendung mede hekwenketeume de teu eh keli beulak.”8Gomer au Lo-Ruhamah de nlau kelucai, pa tetlak dailwe mipeina ge mna lu.9Pecai RAMPAUBE rangdi, “Pezi Lo-Ammi qulu, nnui a mina mede kecune, nah Ih au nnui Tinggwang meda.10Dede Israel ga minadung duikedikung ga heciangdung nzwa zie, cide mdet mede peici gailak. Cikade penui dage, ‘Nnui au a mina meda,’ de eh rang kebeu gade, penui dage, ‘Nnui au ringkela Tinggwang minadung,’ de eh rang zie.11Judah ga minadung nah Israel ga miandungngngwa ngkwa luziepenui ziemne penui muiteu ge kedet luzie nah penui kideube gade cuh luzie Jezreel tingba de au dizu zie kecune.
Bridge Connectivity Solutions Pvt. Ltd.