Hosea10
1Israel au kubebang hing eh petsi bui kebam ge. Petsi kiee dige, pa recabam tei kieeki lu. Pedeu hingpet luge, pa pe tsiadung teihemi lu.2Penui mlung au mide kecwa; cu au penui penui mau pung maisia da. RAMPAUBE penui recabam teipang dizie; pa penui tsiadung ngkap dizie.3Pecai penui rangzie, “Anui gwangpei gah, anui RAMPAUBE mie hing kemakne, nah hegwangpei ge, pa anui ziemne daipai tei lulai?”4Penui sam kemtabe rangla nah kemretbe reset samkakkelu teila. Cine kenzeube luh ge ga heiring heidung nzwa nzanghang.5Samaria ga kelunghme ngngi dizie Beth Aven ketumnadung ziemne. Cika pe minadung cidung reu hapla, mamie kereca cingkume cidungde kendu ziemne hap kela nzwa, dede cidungde cika bamsi meda.6Assyria gage mamie cide pungmie kaidi zie hegwangpei de mtamapeu ge eh peu kerane. Ephraim hengam teizie, nah Israel au pegu mamiedung ziemne ngngam dizie.7Samaria gwangpei de ngkap dizie, dui reuga tsingpeukang ge nzwa.8Kelien nlumkemakme reca nidung de ngkapdi zie. Aide Israel mau! Hetu nah hetubangdung penui recabam reuga lungh dizie. Minadung lamlwadung dage rangzie, “Anuide gumlu!” nah kideutudung dage, “Anui reuga meumie lu!”9“Israel, nang Gibeah tingdau gade kemau teila dida; cika kemau rünne le puih bam dida. Gibeah ga maula kedi nadung de hereu gwang zupwadi lakni?10Ih neu kedidau, Ih penuide ledeu zie. Heleuhdung ngkwalwe penuide regi zie nah penui teimau kedi kena kieege penuide saja peuzie.11Ephraim au ciu neu neukela ledeukelu tumleina ge, Cine Ih ngwanggai ge pe ngwang gage cwagai beuzie. Ih Ephraim reu gage ngwanggai ge kai beuzie; Judah hangdeu puu zie; Jacob pekatei hepei nia zie.12Makesang de nkatei mruk gailu, nah samkakkelu kesamsang de rum lulo. Hangdeu ta kemakde puu gailu, kedanemene RAMPAUBE de pei kera tingdi delu, pa gwang eh nnui reu gage makesang ruigai beu kemaktane.13Nnui kenlien puu luda; nnui nzeukemak rum luda. Nnui mide kecwa tsi tyei luda nnui mariem de nah nnui reugwame kekiee ge kabamde ga nlum kedine.14Cine hereu kehebwak ge nnui leuhme kakga cuh dizie, nah nnui riekelu namdidung pelane ngkapdi zie. Cide reugwa benai Beth Arbel de hegwangpei Shalman ne ngkapkedi nzwa dizie, mipuidungde de penui name si eh kedeumci kedi nzwa.15Cine aide nnui dage teigai dizie, Bethel, nnui kenlien disüt kedine. Tingba lütde Israel gwangpei de dangtüt mci dizie.”
Bridge Connectivity Solutions Pvt. Ltd.