Hosea9
1N suiyi so, Israel, heleuh kedame suiyi kelanzwa. Nang n Tinggwang de pütdi eh peda masang luta kedine. Hecaipung pelane gade helipui ge ziehi peu kera nang n suiyi la.2Dede hecaipung nah zauniakbam au penui pok tei gailak; zauci tei kera kubetsi gah dizie.3Penui RAMPAUBE deu ga lunghsi lakta; meliene, Ephraim Egypt ga cailimie zie, nah tingnaige Assyria gade penui ketyeipok kehera tyei zie.4Penui RAMPAUBE dage zau recadung teibeu silak, mede cidungde pe suiyi tei gailak. Penui recadung au penui dade hapkelame taktyei ge nzwa dizie: cide ketyeime leune hera dizie. Penui taktyei cide penui ziemne rünne dizie; cide RAMPAUBE ki ga lütlak.5Nnui hengyi tingba riet kenzeu benai, RAMPAUBE hengyi tingba ziemne daipai teilai no?6Kedanemene, pielo, penui kengkap de mbai lucai, Egypt penuide pa hekwa luzie, nah Memphis penuide kung dizie. Penui rangkanggeu mabamdung ziemne cai, hetuhwadung ne cidungde gum luzie, nah hetudung ne penui paikidung pui dizie.7Saja peu kera tingbazie gwangzeu; ziehi kepeu tingbaziedung gwang lada. Israel pelane depeu ma aidung cilu. Caihakecibe au kemie kau ge, nah helung tei kebeube au mie dida, nnui mausüt eh zaisiet bamsüt kedine.8Caihakecibe au a Tinggwang ziemne Ephraim reu kekwabe da. Dede pe lampui leunedung ga nruine tak ge lakap, nah pecu kerenia kecu au pe Tinggwang ki ga bam.9Penuikatei penuide tei msiasüt pwala dida Gibeah tingdau nzwa. Tinggwang penui maudung nsung luzie, nah pa penui maudung ziemne saja peuzie.10RAMPAUBE rangla, “Ih Israel de ngau luge, cide au hetaideu ga kubetsi ngaukelu nzwa lie. Peting dau tangzüttsi bang ga petsi raitube nzwa. Ih nnui paumedung de ngaulu. Dede penui Baal Peor Deutu da miedi, nah penui hengam ketei mamie cide de recadi. Penui au penui hungkela mamie nzwa kemneu teidi.11Ephraim ziemne au, penui kendu au nruine ge nzwa limtet dizie. Cika hena kemna, tetlak kecu, nah pena pung kecu bam silak.12Penui hename de ngkwet ncuhlu liede, Ih penuide keutet dizie iciu eh migede de bang beulak. Penui keherei zie Ih penui dade nreutet kedi benai!13Ih Ephraim de ngauda, Tyre kesiak ge, duikung ga ling nzeu eh, Dede Ephraim pe name de dapstetdi kera mi kedame dage teumpet beu dizie.”14Penuide peulo, RAMPAUBO, nang penuide daipai peuzie no? Penuide hena keidi kela henabam nah hetung pedui peugai kelak peulo.15“Gilgal namdi ga penui kenlien pelane ziemne, cikade Ih penuide ngkau cuhdi. Penui kemau tadung ziemne, Ih penuide a ki gade gwampet dizie. Ih penuide hung si lakta; penui reu kedime pelane au kebwak kelame.16Ephraim mateei dida, nah penui mah au cangh dida; cidung petsi kei meda. Penui hename bam liede, Ih penui hungkela nadungde ketsai gage kai dizie.”17A Tinggwang penuide mlai dizie penui pe samzai tei kemakne. Penui au heleuhdung kakga rwahui kelame dizie.
Bridge Connectivity Solutions Pvt. Ltd.