Exodus6
1Cidau RAMPAUBE Moses dage rangdi, “Ih Pharaoh dage daitei gai ziebi nang cu ngau zie da. Nang aide ngau zie, pa penuide peu tet luzie a ba kengking ziemne. A ba kengking ziemne, pa penuide pe deu gade gwagi dizie.”2Tinggwang Moses dage marang nah pe dage rangdi, “Ih au RAMPAUBE.3Ih Ngkiengtube Tinggwang lie kecu gade Abraham dage, Isaac dage nah Jacob dage acu liagai da; Dede a zi, RAMPAUBE lie kecu gade penui acu ci ma.4Ih a samkakdung penuide ngngwa tei luda, iciu eh Canaan deu penui sangme tei eh luga aika lungbam kela deu de penuide peulu kerane.5Cipau reude, Egyptme ne Israelme de kilabaang tei kelame mra kwa Ih siulu da, nah Ih a samkakdung a lung gade nsunglu.6Ciziemne, Israelme dage rang beulo, ‘Ih au RAMPAUBE. Ih nnuide Egyptme kangga de kilabaang tei kebam gade ngngwa mpet beuzie, nah Ih nnuide penui kengking gade lungmpet beuzie. Ih a kengking keulia nah tutiak kengking bata le nnuide keli luzie.7Ih nnuide luu pwa a minadung teilu zie, nah Ih nnui Tinggwang zie. Ih nnui RAMPAUBE Tinggwang lie kecu nang cilu zie, nnuide Egyptme baang tei kela gade ngngwa mpet kebeu be.8Ih nnuide Abraham, Isaac nah Jacob de peuzie lie sampet tei kenzeu deu gage ngngwa gwang beuzie. Ih nnuide cide mabam ge nzwa peu zie. Ih au RAMPAUBE.’”9Moses aide Israelme de ranglia kegaidau, penui pe sam kingnei meidi, kedanemene penui rei eh kilabaang tei kela gade penui lung ngkung kedine.10Ge RAMPAUBE Moses de mpau eh ranggai,11“Mie eh Pharaoh, Egypt ga hegwangpei dage pe deu gade Israelme minadungde peu tet lulo rang beulu.”12Moses RAMPAUBE dage rangdi, “Magade Israelme a sam kingnei tadi cai, daitei Pharaoh a sam kingnei lai, kedanemene Ih marang cila kemakme ge kecune?”13RAMPAUBE Moses penai Aaron de mpau. Pa penai dage Israelme nah Egypt ga hegwangpei Pharaoh ziemne aja kaibeu, peu Egypt deu gade Israelme de ngngwa mpetlu kerane.14Aidungde penui peime ki gade muiteumedung da: Reuben napeimedung, Israelme neraibe, Hanok, Pallu, Hezron, nah Karmi. Aidungde Reuben leuhme gade pe paupak.15Simeon napeimedung cai Jemuel, Jamin, Ohad, Jakin, Zohar, nah Shaul, Canaanme pui napei. Aidungde Simeon leuhme gade pe paupak.16Levi napeimedung nah penui cai lung keleume zidung aika ge rau kenzeu. Penui zi Gershon, Kohath, nah Merari. Levi mmi 137 kecang pa lunghlu.17Gershon napei kena cai Libni nah Shimei.18Kohath napeimedung cai Amram, Izhar, Hebron, nah Uzziel. Kohath mmi 133 kecang pa lunghlu.19Merari napei kena cai, Mahli nah Mushi. Aidungde Levime paupak paume teilu, penui leuhme ngngwa ncüt eh.20Amram pe pei tipui Jochebed de pe nau teilu. Pa Amram dage Moses penai Aaron de nna beu. Amram mmi 137 kecang lunghlu delwe tsaidi.21Izhar napeimedung cai Korah, Nepheg, nah Zichri.22Uzziel napeimedung Mishael, Elzaphan, nah Sithri.23Aaron Amminadab napui, Nahshon tipui Elisheba de pe nau teilu. Pa Aaron dage Nadab penai Abihu, Eleazar penai Ithamar nna beu.24Korah napeimedung cai Assir, Elkanah, nah Abiasaph. Aidungde Korahme paumedung pautsa da.25Eleazar, Aaron napei Putiel napuime hangge de pe nau teilu. Pa pecu Phinehas nna beu. Aidungde Levime kakgade nah penui leuhmedung de si eh penui peime kidung gade muiteumedung da.26Mipei aide kena cai Aaron penai Moses, RAMPAUBE penai dage rangdi, “Reugwame maadung le Israelme de Egyptme deu gade ngngwa mpetlu.”27Aaron nah Moses, Egypt ga hegwangpei Pharaoh, dage penai de peu Israelme de Egypt gade ngngwa mpet kera peulo rang. Aide Moses penai Aaron da.28RAMPAUBE Moses de Egyptme deu gade mpau kecudau,29pa pe dage rangdi, “Ih au RAMPAUBE. Pharaoh, Egypt ga hegwangpei dage rang beulu, Ih n dage rang kebeube pelane.”30Dede Moses RAMPAUBE dage rang eh, “Ih marang cima, cine daitei eh Pharaoh a sam kingnei lai?”
Bridge Connectivity Solutions Pvt. Ltd.