Ecclesiastes5
1Tinggwang kerecaki ga kegwang dau n pikiet pie sünne lu. Kemiemedung penui kemau teila lie kecu ci kemakme gu ratak pwapeu kera swade kingnei kerane gwang nna lu.2N mui gade marang zette kecu teiso,nah n mlung de peu kehei tei eh Tinggwang dwa gade sampet tei zette di so.Tinggwang au tinggim ga bam, dede nang au kideu ga bam,cine n samdung de peu camlu.3Nang magade ma kekiee ge tei kera bam eh n lung naang lacai, nang hemangdung kesia mmi di lubui.Nang samdung rang kiee reu de, nang kemie samdung rang kieegwa di lubui.4Nang Tinggwang dage sampet kegai dau, cide tei kera peting teu tie diso, kedanemene Tinggwang au kemieme da pe suiyi gah. Nang tei zielie sampet kelude teilu.5Sampet lu eh teicanglu kemak au sampet tei kemak be yiki.6Peu n mui de n pumteih de kemau tei kera peu so. Cingkube gu samgwabe dage ainzwa rangso, “Cipau sampet de au teimau kedi ge.” Daitei lugu sampet kenret tei eh Tinggwang rata tei eh Tinggwang de n batadung peu tei ngkap di kera no?7Kedanemene hemang kekiee mmi kegai ga, samdung kekiee rang kegai ga nzwa, cika pekie kegah mwangzui bam. Cine Tinggwang mie hinglu.8Nnui nnui deukui ga makegahme de teikeherei nah penui nzeube swet teu kedi ngau kegai dau, cide migede cikemak nzwa nnui ngaupwa nnui swagah so, kedanemene cika mina kengkieng teu delwe penui kangga kebammedung de pie bam, nah penui reu kedime bamsi reu.9Cikage si eh, kideu gade ma lungh kelu leune de peciakne ziemne da, nah hegwangpei de luhdung gade ma lungh kelube keulu la.10Keheibe de rangkanggeu luu neu kelabe rangkanggeu le pe mnung teicang gailak,nah keheibe de makehei luu neu kelabe luu neu si muila.Aide de, mwangzui ge.11Mabam mahei kiee reuge, cide tyei kerane mina de kieesi dila.Mabam mpaube ziemne pe mahei cide pekeyi dai bam nopemiak le pie kebam rünne kera gwale ma?12Hetah tei kelame ge au zip hemisüt lula,pa matyei kiee liede nah tyei cam liede,dede keheibe pei au pe mabam ne pecu zip hemilu kera peu lama.13Tingnaimiak kangga ma kesia kebam Ih ngau:pempaube pe mabamdung keu hekwa kecu, cide pekatei pe ziemne suisiet kedi teugwang beula.14Ma keheibe pei pe ra gah eh pe mahei ngkap kedi dau,pa pekatei pe napei, pe dade lungh kelube ziemne magede pe ba gage bang beulu tadi la.15Minabe pe pui pok gade gwang kelu nzwa,pa paula eh caili tet zie.Pa pe ba lepwa tei kelu tsibui kette keutet gailak.16Ma keda kesia ge liecai,mige gwang kelu nzwa, pa tetdai dila.Cine pa tingkai gage pe bata tei kegai de pe kemmi daige bam no?17Pe teilung tingdau kemuibe de pa ngngwa matyeiiciu eh mateei nah rata lepwa pa keherei süt.18Pielo, Ih makeyi nah kezeu tube ci kelu au, nang n bata pelane gade gie kelube teu tyei nah sak eh kehega kelude da, anuide Tinggwang ne peu kebeu teilung tingbaziedung ga tingnaimiak kangga hetah tei kecudau. Kedanemene aide ziemne mina de het keluda.19Keheibe de Tinggwang ne pecu mabam mahei nah pe qwa luulu kebui kepeu nah pe bata ketei ga pe sui yisüt kebam, aide Tinggwang dade mta mapeu da.20Pa pe teilung tingbaziedung ha cet bammui lak, kedanemene Tinggwang au pecu peu pa tei kehega kebam tahdung tei eh naang jüja bam kelane.
Bridge Connectivity Solutions Pvt. Ltd.