Ecclesiastes4
1Tingnaimiak kangga keherei kebam pekiene ha Ih piage cet gai dai.Nah ainie, keherei kebamme miakduidung,nah penui lung taumla gai kera migede gah!Kengkieng au penuide teikeherei kelame ba ga bam,nah migede penui lung taumla kera gah di! 2Cine Ih au tsai kedime dele pwanecu ring kebammedung swade penui raci ki lie cet lala.3Iciuliede, penai swa ngngim ki kecu au lungh gwang kemakme,tingnaimiak kangga makesia tah ketei gede ngaugai kemakme.4Iciu eh bata tei kegai leune nah heciem keyi bata leune ga kidabe lungnyimei di kela Ih ngau da. Ma aide de mwangzui ge nzwa da nah tingkai de kwa eh kum kela ge nzwa da.5Kemieme ge pe ba tuipwa eh bamla nah mata tei lama,cine pe taktyei au pekatei pe pumteih deda.6Dede ziune eh heta tei eh ma kecam nage mmi kelube yiki reuba na le heta tei eh tingkai de kum kera tei kecu swa au.7Nah Ih ciswa de mta mrwa gwa kecu, nah mwangzui naimiak kangga de gah di kela hadung gede cet daigai. 8Mige pekatei rünne eh bamla.Migede pe da bam kemakme ge, pena de gah nah pe sinabe de gah.Pa mata tei kela leune de penli teima,nah pa mabam mmi kelu lepwane pe mnung teilu lama.Pa pe swa gah eh, “Ih cau ziemne hetah tei bam noiciu eh Ih akatei acu suiyi mlai di lano?”Aide de mwangzui ge da, marehi kesia geda.9Mi hangge swa hangna yiki;penai ncüt delwe penai bata gade ziehi keyi hi lula.10Kedanemene magade hangge kaumie di liede, kedage ne pe zangbe de teu cuh lubui.Iciuliede, mige pekatei nli kebambe de au, pa kau kedi dau lungrei pecai sui dilamagade migede pecu teucuh lu kera gah liecai.11Magade hangna zeu ncüt lucai, penai lum lubui,Dede dainzwa mige pekatei lumlu zie no?12Mi hangge pekatei kebambe de au ngam di lubui,dede hangna au gwaketang kebam gade sap lubui,nah heria kecum teu ncüt kelube cak zette di lama.13Magah liede heluibuame ge mteu kebam au cing kedi kemie hegwangpei keherei gwang kera pecu rang mriak kegai cidungde kingnei cita kedibe swade yiki.14Aide au kesang, magade heluibuame cide hebaangki gade mpet hegwang tei liede, mede pecu cipau hegwangram ga makegahme ge eh mnalu liede.15Kideu ga ringkebam leune de tingnaimiak kangga tet mlai kebam Ih ngau nah cika heluibuame ge cuh hegwangpei bam leu kerabe de de Ih ngau.16Hegwangpei kehecibe samzai tei kera mina kekiee ge bam, dede aipaucai, mina kekiee ge pecu hetwa peu sita dizie. Ainzwa kecu au mwangzui ge kesang nah tingkai de gwazui eh kum kela kenzwa geda.
Bridge Connectivity Solutions Pvt. Ltd.