Ecclesiastes3
1Kedanemene ma pelane ziemne peting ge riet pwabam, nah tinggim kangga ma keheibe ziemne peting pehi ge bam. 2Kemna ting ge bam, nah tsai kera ting ge bam,keling ting, nah kepai ting,3dapketset ting nah tei kengkei ting,tei kengkau ting nah teicuh kecu ting.4Kehap ting ge bam nah kenui ting ge,lungrei ting nah helim ting,5tangtsu kelien kera ting nah tangtsu kehekwa ting,mi kedame gede kehemam ting, nah kehemam gade nzia kecu ting.6Ma peei kera ting ge bam nah peei tadi kera ting,ma kai nzeu kera ting nah kelien gidi kera ting,7pai teikehak ting nah pai keretak ting,zingde bam kera ting nah marang kera ting.8Kereku kera ting ge bam nah kengkau ting,hereu ting nah kezuyi ting.9
Makam tei kelame ge pa pe bata gade daige mmi lu dino?10
Tinggwang ne minadung de mata teicang lulo pwapeu kebeu tahdung Ih ngau da.11
Peting petausiak ga zeutu kerabe Tinggwang teigai. Pa kelungta kering de penui lung gage kaigai beu. Dede mina be Tinggwang tei kegai bata de cet cicang luma, penui kendeu gade gwang penli ga kecang de.12
Mi keheibe de pesui yi kebam nah ringkebam dau ge makeyi tah teibam kecude swa keyi bam si kemak Ih cibam,13
nah iciu eh mileune de tyei nah sak maisia, nah pe batadung leune gade makeyi gwang kelu teu kehega lu kera cilu maisia. Aide au Tinggwang dade mapeu ge.14
Tinggwang daige teigai bi cide kelungta bam kela Ih ci. Magede cikage kaisi mede keuteu di gailak, kedanemene cide au Tinggwang ne teigai, iciu eh minadung herüt teu eh peda gwanglu kerane.15Daidung ge teibam bi cidungde tei kedibe dida;daidung ge teigwang kerabe bi cidungde tei kedibe ge dida.Tinggwang minadung de peu ma hebai kenzeube peei kerane teigai. 16Tingnaimiak kangga kemzuibe bam kera ga makesiabedung kebam Ih ngau da, nah makesangbe bam ga, makesiabedung bam.17Ih mninggai, “Tinggwang au makesangme nah kesiame de penui bata leunedung ziemne peting siakdau penui tu tiakzie.”18Ih mninggai, “Tinggwang minadung de kedakla penui au makaune ge nzwa kecu keulia kerane.”19Kedanemene mina namedung caiha nah makaune caiha au penui ziemne nzwakap. Mige tsit au mi kedame ge tsit nzwa. Penui ziemne au penui cuingi pekiene de nzwakap. Makaune reu mina magede yi kentwa gede gah. Kedanemene ma pekiene cuingi rünne ge meluini?20Ma pelane de heni ket gage tetgai la. Maleune de rebui gade gwang, nah maleune de rebui ga caili dizie.21Mina rabe nreule ge tet gaila mi nah makaune rabe kideu kangle ge tetgai labi kecu caune cilu lai? 22Cine Ih cidai kelu au, keheibe de pe bata ziemne pesui yi kelabe swade makeyi gede gah da, kedanemene cide au peu pecu tei kerane nlum gai beu di delu. Pa tsai kedi cai daitei zeubi kecu pie kerane caune pecu teu cailigwang luzie no?
Makam tei kelame ge pa pe bata gade daige mmi lu dino?10
Tinggwang ne minadung de mata teicang lulo pwapeu kebeu tahdung Ih ngau da.11
Peting petausiak ga zeutu kerabe Tinggwang teigai. Pa kelungta kering de penui lung gage kaigai beu. Dede mina be Tinggwang tei kegai bata de cet cicang luma, penui kendeu gade gwang penli ga kecang de.12
Mi keheibe de pesui yi kebam nah ringkebam dau ge makeyi tah teibam kecude swa keyi bam si kemak Ih cibam,13
nah iciu eh mileune de tyei nah sak maisia, nah pe batadung leune gade makeyi gwang kelu teu kehega lu kera cilu maisia. Aide au Tinggwang dade mapeu ge.14
Tinggwang daige teigai bi cide kelungta bam kela Ih ci. Magede cikage kaisi mede keuteu di gailak, kedanemene cide au Tinggwang ne teigai, iciu eh minadung herüt teu eh peda gwanglu kerane.15Daidung ge teibam bi cidungde tei kedibe dida;daidung ge teigwang kerabe bi cidungde tei kedibe ge dida.Tinggwang minadung de peu ma hebai kenzeube peei kerane teigai. 16Tingnaimiak kangga kemzuibe bam kera ga makesiabedung kebam Ih ngau da, nah makesangbe bam ga, makesiabedung bam.17Ih mninggai, “Tinggwang au makesangme nah kesiame de penui bata leunedung ziemne peting siakdau penui tu tiakzie.”18Ih mninggai, “Tinggwang minadung de kedakla penui au makaune ge nzwa kecu keulia kerane.”19Kedanemene mina namedung caiha nah makaune caiha au penui ziemne nzwakap. Mige tsit au mi kedame ge tsit nzwa. Penui ziemne au penui cuingi pekiene de nzwakap. Makaune reu mina magede yi kentwa gede gah. Kedanemene ma pekiene cuingi rünne ge meluini?20Ma pelane de heni ket gage tetgai la. Maleune de rebui gade gwang, nah maleune de rebui ga caili dizie.21Mina rabe nreule ge tet gaila mi nah makaune rabe kideu kangle ge tetgai labi kecu caune cilu lai? 22Cine Ih cidai kelu au, keheibe de pe bata ziemne pesui yi kelabe swade makeyi gede gah da, kedanemene cide au peu pecu tei kerane nlum gai beu di delu. Pa tsai kedi cai daitei zeubi kecu pie kerane caune pecu teu cailigwang luzie no?
Bridge Connectivity Solutions Pvt. Ltd.