1 Kings4
1Hegwangpei Solomon Israel pelane reu hegwangpei.2Aidungde pekang ga kedimedung: Zadok napei Azariah cai cingkupei.3Shisha napei Elihoreph penai Ahijah, cai keraume. Ahilud napei Jehoshaphat cai kerau kerengeibe.4Jehoiada napei Benaiah cai reugwame reu kedibe. Zadok penai Abiathar cai cingkupei kena.5Nathan napei Azariah cai kedime reu kedibe. Nathan napei Zabud cai cingkupei nah hegwangpei zangnabe.6Ahishar cai kilungme de kerengeibe. Abda napei Adoniram cai kemei tei eh mataketeime mina de kerengeibe.7Solomon da Israel pelane reu kedime kereiekena bam, penui hegwangpei nah pe kilungme de n ketyeipok pie rengei beula. Hangge mmi ge gade kei ge ziemne taktyei teibeu la.8Aidungde penui zidung: Ben-Hur, Ephraim kideutu deudi ga;9Ben-Deker cai Makaz ga, Shaalbim, Beth Shemesh, nah Elon Beth Hanan;10Ben-Hesed, Arubboth ga (Hepher deu pelane nah Sokoh de pegu);11Ben-Abinadab, Naphoth Dor pelane ga, (pa Solomon napui Taphath de penau);12Ahilud napei Baana, Taanach nah Megiddo ga, nah Beth Shan pelane ga, cide Zarethan taiga kebam Jezreel kangga, Beth Shan gade Abel Meholah ga Jokmeam kedale tu kecang;13Ben-Geber, Ramoth Gilead ga (Manasseh napei Jair namceudung Gilead ga kebamdung de pegu, nah Bashan ga kebam de Argob cuikui de pegu, hetageu tie le tei kelu rieki nah heriedung le twagwa kebam namdidung kedi riakherok);14Iddo napei Ahinadab, Mahanaim ga;15Ahimaaz, Naphtali ga (pa Solomon napui Basemath de penau lu);16Hushai napei Baana, Asher nah Bealoth ga;17Paruah napei Jehoshaphat, Issachar ga;18Ela napei Shimei, Benjamin ga;19nah Uri napei Geber, Gilead deu ga, Amoritme gwangpei Sihon nah Bashan gwangpei Og deudi de nah cipau deu ga pa rünne kedibe.20Judah nah Israel ga mina kieepwa jaaidi kung ga heciang nzwadi. Penui matyei nah sak eh penui suiyisüt bam.21Solomon hegwangram pelane reu hegwangtei Kereuki gade Philistinme deu ga kecang nah Egyptme deurai ga kecang. Penui heraha pwa peu nah Solomon gwatei pe teilung kelungtane.22Solomon ketyeipuk langnaige teu di kela tokkui yitube cor camrei nah taktyei cor raikherok,23ketumseu pelui keyibe kerei, renaamhei ketyei ketumseu ngkai, nah meurün haige, pecaide heti, helungdung, hetiseu, nah pelui keyi nruidung.24Kedanemene pa kedi tei Kereuki ailam tu cuikui pelane reu, Tiphsah gade Gaza ga kecang, hegwangdung pelane reu Kereuki ailam tu kebam, nah pa pecu twagwa kebamdung pelane de ngngwayi eh lung.25Judah nah Israel kwak eh lungh, mina leune pe kubetsiluh nah pe tangzüttsi bang kangga, Dan gade Beersheba kecang, Solomon kelungta.26Solomon da pegu bagidung, nah hekwen keteume cang kereiekena ziemne hekwenki cang riakdai bam.27Kedime cidungde ne Hegwangpei Solomon ziemne taktyei teleibeu nah Hegwangpei Solomon taktyeibam ga gwang kelame pelane ziemne de, mina leune hekei ramsang penlia dau. Penui peu magede dui di lamah.28Penui heni petaube gage bagi kwendung nah makau kedabe ziemne, hangge ge de pensam gade teilu kebuige barley nah reigau pwagwang beula.29Tinggwang Solomon de maci kedi nah lungcet peu, nah kecikecet jaaidikung ga heciangdung nzwa kekiee peu.30Solomon maci au yiki kepetle minadung pelane maci nah Egyptme maci pelane swa de.31Pa mina pelane swade mriak, Ezrahme pei Ethan swade, Heman, Kalkol, nah Darda, Mahol napeidung swade, nah pe kendu heleuh namdadung pelane ci gwang ciakdi.32Pa macisam cang cum ge ranglu nah pe leidung caige cang ge eh mengei mpwak lu.33Pa tsingbangdung ha rang, cedar Lebanon ga kebam gade herie gwale de bwa kepet hyssop ha. Pa makaune, nruine, bwakela kaune, nah heka ha de rang.34Minadung heleuh leune gade Solomon macisam kingnei kera gwang. Penui kideu ga hegwangmedung, pe macisam ha siu kelume leune dade gwang.
Bridge Connectivity Solutions Pvt. Ltd.