1 Kings5
1Tyre ga hegwangpei Hiram pe kilame de Solomon dage langgai, kedanemene pe pei keleu gade pecu peu hegwang tei kera keniak kelu ha pa siu kelune; kedanemene Hiram David de hungsüt kelane.2Solomon sam Hiram dage langgai, ranggai,3“A pei David RAMPAUBE pe Tinggwang zi ziemne ki ge teilu takedi nang cibam, kedanemene hereu ketei ne pecu twagwapung kebamne, nah pe teilung tingdau RAMPAUBE pe ngauraume de pe pidau peu tei kebamne.4Dede cu au, RAMPAUBE a Tinggwang kehei leune gade acu kemtak peu da. Ngauraume mede keherei kecu gahda.5Cine Ih kerecaki ge Rampaube a Tinggwang zi ziemne tei neu bam, RAMPAUBE a pei David de mpau kecu nzwa, rang eh, n napei Ih peu n hegwang bam leu kerabe de, a zi ziemne kerecaki teibeu zie.6Ciziemne cu Lebanon gade cedar bangdung a ziemne bi beu kera aja kai gailo. A kilamedung n kilamedung de ngngwa heta tei zie, nah Ih n kilame ziehi teibeu zie, iciude nang tei kera cet kelu pelane ziemne ncu ziehi peu mcigilu kerane. Kedanemene anui kakga migede Sidonme nzwa tsing bi ci kecume gah kecu nang cibam”.7Hiram Solomon sam siulu ge pe suiyi sütdi, nah pa rangdi, “Heleuh kedi aide reu ga David de makeci napei ge kepeune henai RAMPAUBE de peu samlam beulo”.8Hiram Solomon dage sam langgai eh ranggai, “Ih siulu da nang a dage sam lang kegai de. Ih cedar nah cypress pelane nang lu keneu kie ge peu zie.9A kilame ne tsinglwa Lebanon gade jaaidi ga pung nghung beu zie, nah Ih liem gage cidung de kai lu eh duidi gade pung gwang nang a dage rang kebeu gage kai lu kerane. Ih cikade cidungde pang takcai beuzie, nah nang cidungde pung tet luzie. Ih ncu peu a minadung de taktyei peu neu la.”10Cine Hiram Solomon de cedar nah helei lwa pa luu keneu kiee ge peudi.11Solomon Hiram de wheat mdet cang ngkai nah maca kemcibe cang ngkai mdet peu pe kilungme puk teilu kerane pwa peu. Solomon aide Hiram de mmi ramsangne peu.12Rampaube pe sampet de mzui eh Solomon de maci peu. Hiram penai Solomon kakga kezuyi bamlu, nah penai ngngwa keyi sam kak teilu.13Hegwangpei Solomon Israel pelane gade heta tei kera hezi raulu. Kemei tei eh peu heta tei kera mina cang camrei ge.14Pa penuide Lebanon gage langgai, cang kerei kei ge nlia eh. Kei ge peu penuide Lebanon ga, nah kei na kilung ga peu heta tei. Adoniram ne kemei tei eh heta keteime reu kerengeibe tei lu.15Solomon au kepungme cang riakhena bam nah lamlwadung ga tangtsukepangme cang riakheset bam.16Solomon de si mene keda kedime mina 3,300 ge penui ta pie rengei nah heta keteime de kerengeime bam.17Hegwangpei Solomon aja gade penui tangtsu kedi keyidung panglu, iciu eh kerecaki tsubam gi lu kerane.18Cine Solomon nah Hiram gu heta keteime nah Gebalme kerecaki tei kera ziemne tangtsu nah tsing mteilu.
Bridge Connectivity Solutions Pvt. Ltd.