1 Kings14
1Cipau tingdau Jeroboam napei Abijah nra sütdi.2Jeroboam penau dage rangdi, “Kehereide cuhlwe nkatei ncu tei ntsam lulo, ciu eh nang a nau lie kecu ci melu kerane, delwe Shiloh ga mie cu, kedanemene Ahijah caihakecibe cika bamlu; pa a ha kerangbe de da, Ih mina aidungde reu hegwang tei zie lie rang kegaibe de.”3Tangku kwak kerei nang keu lalu, tangku kesa, nah heliadui bung ge, nah Ahijah da miecu. Pa n dage hena nabe dage daipai tei di laubi kecu ranglia beu zie.4Jeroboam nau ci nzwa teilu; Pa tet nah Shiloh ga mie di nah Ahijah ki ga gwanglu. Cu Ahijah ma ngau meda; pa pe miak mangau meda kedanemene pa cing kedine.5RAMPAUBE Ahijah dage rangdi, “Pielo, Jeroboam nau pe napei ziemne n dade ma keteu kera gwang la, pa nra kebam ziemne. Pe dage maikesiabe rang beu lu, kedanemene pa kegwang dau, Pa mipui kedame rehi nzwa pa tei zielu.”6Ahijah pa kimui ga gwang kela dau pe pi kwa siulu ge, pa rangdi, “Nlüt lu, Jeroboam nau. Daitei nang mi kedame rehi tei eh gwang la no? A dage n ziemne samlia kesia ge lang gai nzeu.7Mie, Jeroboam dage rang beu lu lo RAMPAUBE, Israel Tinggwang, rangla, ‘Peu ncu a mina Israel reu muiteu teilu kerane Ih minadung kakgade ncu teu cuhlu da.8Ih hegwangram de David kilungme dade tei pangdi delwe cide ncu peu, dede nang David a kilabe nzwa ma, a ajadung mzai kela nah pe mlung pelane le a caisui tei, a miak dwa gade petaube rünne tei kerane.9Meliene, nang kemau tei dida, kieeki eh n dwa lungh keraimedung swa de. Nang hera kedadung teilu, nah nang hegeu miedung tei eh a rata teigai, delwe acu n cailege kelien gidi da.10Cine, ainie, Ih n kelak ga kengkap teugwang gai zie; Ih n dade Israel ga mipeina pelane de ngkap dizie, hebaangme mede hebaang kemakme liede, nah n kelak tei ngga zing dizie, mige makauneteu ru ngnga ciakdi kemaktane ru kela nzwa.11N kelak ga kebam mi keheibe de namdi gade tsai kedime heteudung ne tyei luzie, nah mi keheibe luh gade tsai kedime tinggimdung ruine ne tyei luzie, kedanemene Ih, RAMPAUBE, cide ranggai dida.’12Cine cuhlu, Jeroboam nau, nah n kilung ga cailigwang cu, n pi namdibe ga kenlüt dau, Abijah na be tsai dizie.13Israelme pelane pe ziemne heei eh hap nah pecu kung dizie. Jeroboam kelak gade herau ga nlüt kera pa rünne, kedanemene Jeroboam kelak gade, pa rünne RAMPAUBE, Israel Tinggwang miakngau gade petau ketei ngau kelune.14Iciu eh, RAMPAUBE Israel hegwang ge teucuh luzie cipau nai Jeroboam kelak de ngkapdi kerane. Henai au cipau nai deda, cu da.15Kedanemene RAMPAUBE Israel de gwaketang zie, iciude kereuki ga hekuu nzwa mbau dizie, nah pa penui paume de kepeu hangdeu keyi aide gade Israelme mah pai dizie. Pa penuide Euphrate reuki gwale ge tei zang dizie, Kedanemene penui penui gu Asherah miedung tei eh RAMPAUBE rata tei kedine.16Pa Israel de gidi zie Jeroboam maudung de ziemne, pa kemaudung tei kedi de, nah cika de pa Israelme de kemau gage ngngwa gai kedine.”17Cine Jeroboam nau cuh lwe tetdi, nah Tirzah ga gwanglu. Pa pe ki mui ga gwanglu ge, hena nabe tsaidi.18Israelme pelane pecu kungdi delwe pe ziemne heei eh hap, penui dage RAMPAUBE sam gade pekilabe Ahijah Caihakecibe dade rang kebeu de nzwa eh.19Jeroboam ha kedadung au, dainzwa eh pa hereu tei gwang nah dainzwa eh pa hegwang tei bi kecu, pielo, Israel gwangpeidung heta ketei hakwak ga cidungde rau teula.20Jeroboam mmi ngkaiekena hegwang tei nah pecai pe paume de ngngwa eh tsaidi, nah pe napei Nadab pe bam leu eh hegwang teilu.21Cu Rehoboam Solomon napei Judah ga hegwang tei bam. Rehoboam hegwang tei kelu dau pa mmi riakdai ket di nah pa Jerusalem ga mmi kereiehena hegwang tei, RAMPAUBE pe zi kai kerane Israel leuh pelane gade kedetkelu namdi de ga. Pe pui zi au Naamah Ammonme pui.22Judah RAMPAUBE miakngau gade dai maubi kecube teidi; penui ketei maudung dele RAMPAUBE de peu periak kera tei gai, penui paume ketei swade kieeki eh.23Penuikatei penui ziemne nlum kemak nidung de, tsusumdung, nah Asherah mie hangdeutu kehu leune ga nah tsingbang kendiak kang leune gage tei si kecune.24Cika rennet ketsam kereca nidung ga peu helipei nah helipuidung de bam hangdeu be ga. RAMPAUBE ne penui dwa ga kelungh heleuhdung petau kemak hengam ta ketei ziemne Israelme dwa gade gwa mpet kedime tei kelata nzwa penuide teidi.25Hegwangpei Rehoboam hegwang tei kelu mmi pe mengei bekum Egypt ga hegwangpei Shishak Jerusalem gwaketang.26Pa RAMPAUBE ki gade mabamdung, nah hegwangpei ki ga mabamdung keu tetdi. Pa ma pelane keu tetdi; pa Solomon ne tei kelu kecak hegeu pelane si eh keu tetdi.27Hegwangpei Rehoboam hetageu geudung cipaudung keleu tei lwe hegwang rieki kekwa muibedung ba gage cidung nlum beudi, hegwangpei ki kimuidung kwa kebamme de.28Keheidau de hegwangpei RAMPAUBE ki ga kelüt dau, kekwame cidungde pung lazie; pecai penui cidungde kekwameki ga pung gwang daila.29Rehoboam ha kedadung au, nah pa tei kegai pelane, Judah ga hegwangmedung ketei ha hakwak gage cidung rau mzeu melui ni?30Cidau Rehoboam nah Jeroboam kakga hereu tei bam jüja la.31Cine Rehoboam pe paume de ngngwa tsaidi nah penui de ngngwa eh David namdi gage kungdi. Pe pui zi cai Naamah Ammonme pui. Pe napei Abijah pebam ga hegwang teilu.
Bridge Connectivity Solutions Pvt. Ltd.