Luke17
1แล้วหยู เยซู กะแดวหยู มะยายต้อง ตะแบอะ สาหยา เห้ เหน่านอง มะออนมะเบอะ บาและ ต้อง ออลางหยู หนาปะหนาละ แมสา ออนมะเบอะ บาและ ต้อง ออลาง กะแดว หยู แมสา ละยาว ตะสีสะ ลาบัด2แมสา อะบอ กะแดวหยู ยายมะออน เบอะ บาและ ต้อง จานาด อะบอหยู แมสากแดวหยูยายบาและ มาแกะบาโตย ต้อง บูโลยหยา แล้ว ย่อและต้อง หยา ดาลำ น้อแอน กะแดวหยู อะมอนกว่า3ยายบูหยู กาแหย นะมัด กาไตยาวาเดะ อูอุย ปากา เบง อะบอหยะ เบอะตาบาป กะแดวหยู มะกาว มะสอนต้อง หยา หยายายแมตา ออกัง บาและ แนแน กะแดวหยู บงคะนามะรอด ตะบาปหยา4อาลาลอย หยูหยา หยายาย มะเบอะ บาและต้องเบง ลูยูกคะแลว ยายแมตาออกัง บและ ตองเบง มะยาย โจยเบอะบาและต้องเบง โจย แมต้า อะกูบาและ ต้องเบง หยู เบง คะหนา มะรอด ตาบาปหยา เทานี้หยะ5แล้วหยู ตะแมสา ตะเปอะทูหวา ดีลุง กะแดวหยู มะยาย ต้อง เยซู เบอะผิดตะแนหงา กามอย นาบัด กว่า บูสีค่า6เยซู กะแดวหยู มะยายบาและ ตอหนา กาแหย หยะอะดะ นองมานบวก ปอกอน กะแอ นายาน ชะแบ้ กะแดวหยู กาแหย ยายมะกาว ต้อง ปอกอน กาแอ ชะโดดนี ทันหยากาน ตาพูง นะแบดนองคะนี แล้วยอเลอะ ดาลำ คะโลง ปอกอนกาแอ กะแดวหยู คะนา แนหงา ออกัง กาแหยลา7แล้วหยูกาแหย อามาบอ ยายหนา ต้องแมสาแมคะ อะบอ แมสา แมคะกะแดวหยูยายบาและนอง มะเบอะหนา นองมาลีด นะหมูมะมอด แล้วบาและ ออมาก กะแดวหนูมะคิดกาแหย นะหองต้องหยา เบอะมะจังมายาก8กาแหย มะเขอะ บูนีหา กาแหยกะแดวหยูยะ มะยายต้องหยา มะแอชุโจยเด้ แล้ว แมเลียกจะ ขัดหนีแล้ว นาเดียง ต้องโจย มายายโจย แล้วโท บาอยาก9แมสา แมคะ กะแดวหยู ละยาวเจ้า คะนา มะกาว ขุนบาและ หะต้องหยา10กาเหย กะนองบูหยูปา กาแหย ยายนะเบอะ แล้วตาแอ นานุงกาแหย คะนา มะเบอะ ตาพูงหยู คะนา มะนิกบูหนี กามอย นี แมสา แมคะ ออลาง กามอย มะเบอะ แล้วกามอย ยะ11แล้วหนู เยซู กะแดวหยู มะกาวแนยาว นายูเซละโท้ ลากาวยาคานกะแดวหยูแตหงาคะล้าพูหงา ซามาดีทูต้อง พูงากาสีและ12หยา นามา อาพูหง่า กะแดวหยูหยามาวต้องมะนุด ปอลอยชีมาย ตะปอดีลุย13พอเองกะแดวหยู แนนัน นองนายดแลวนะหอง นองออกัง อะดะ เจ้า เยซู แอ้ นาเด่นต้อง กามอยค่า14เยซูปะ นาต้องพ่อเองกะแดวหยู มะยายและ ลากาว มะอวดตัวกาแหย เด้ต้องออลาง ยอลูกหนา ออมากละยาดสีดาโท้15ลาการดาลานกะแดวหยู พอเองละหายกะตอย อะบอ กะแดวหยู ปะนาหยานะหายหยุ หยาบาและ มะกาวมะตอ ต้องสีดา นองขอมากกะลอย16หนากะแดว หยู นาเด่น นอนุม ตะอด หนา เยซู แล้วมะกาวบุน บาและ ต้องหยามะนุดกะแดวหยู ออลาง ซามาดี17เยซู กะแดวหยู มะยาย มะนุด ตะปอดีลุย ละยาวละหาย หากา เซวายดีลุย แซ หนาบีตาละ18ออลาง อาเลยา อะแซงนี มาลีด หยาบาและ มะกาว ขุนต้อง สีดาก้า แล้วหยู เยซู มะยาย ต้องหยา แนหงา แล้วบาและแบ แนงา เบงเบอะ นะหายต้อง เบงกะ19แลว หยา มะยาย ตอง ออลางบันหยู ออน นางอน แบะ หะเขีย กาแหย เบอะ ออน ลอล้อ กาแหย ละไห20แล้วหยู ออลาง พอดีแซ อาดาดุม มะทักต้องเยซู อุพินละ พูหงาสีดา นาเด่น แอะมะยายบาและละหยา พูหงา สีดากะเเดวหยู นาเดานนอง ยาลานปะนานะมอยหะ21ซะอะบอ กะมะยายหะแช่ พูหงาสีดาหนาคะนี หนาคะหยู พูหง่าสีดา กะแดวหยู หนาดาลำ หยาวา กาแหย22แล้วหยู หยากะแดวหยู มะยายต้องตะตบแมสาหยา อะทีนาเด่น กาแหย มะงอดปะนา อะลอยอะนาดมะนุด อาลารอยอยะคะแลว กาแหย นะมอย ปานาหะ23ออลาง กะแดว หยู มะยาย นะ มาลีดคะนี เด้ มาลีด คะหยูเช้ ยายบูหยู คะแรว หนาลากาว นะแงดละ24นองพริง แตนาด แพบาแพบ นองอะปุยนีแสง อะปุยแสงหยู อะลอยอะนาด มะนุด นาเด่น หยูนองบูหยูปา25ทันหะละ กาอะลอยหยู อะนาดมะนุดคะนาละยาวตะจีชะนาบัด แล้วออลางทาลุยนี กะบายินนองหมาปา26แล้วหยู นองพริง อะลอยโนอา กะแดวหยู อะรอย อะนาด มะนุด กะนองหยู ปา27ออลาง ตาพูงกะแดวหยู มะอากมะกาน อะนาดบีนัย กานัย อะตู อะรอยโนอา กาแลวหยู แล้วนอแอนละ บูหยู ออลาง นะมอมะแอม มาตากะตอย แลวละปา28นองพริง อะรอย ลอกก กะแดวหยู ออลางม้ะแอมผิดมากาน บูพุยมะลอย นามาแล้วมะแตง29แล้วหยู อะรอยละ แบดลอตะนอง นะยาว ชิโด กะแดหยู อะปุยต้องกะ ปะลอ ดาตากะเนียง แล้วเบอะมาตา ออลางตาพูง30แล้วหยู อะลอย อะนาด มะนุด นาเด่น กะ ผิดนอง บูหยูปา31อะรอย กะแดวหยู แมสา มะแอม ลูแช ดาตา ออมาก หยา กะแดวหยู คะนา ออลางหะตอง ออมาก เบอะมอยแมตะหง แนงานุง หยาหยู นองบูหยูปา แมสามะแอม ดาลำหยา กะแดวหยู คะนา บาและ นามาอะคะ ดาลำ ออมากกะแดวหยู32มะนึกต้องบีนัย ลอตาเด้33แมสา อะบอยาย คูหยา มะแอม มะเบอะ คุณต้องยาวา แนเองหยู ตะลอด แนแน กะแดวหยู หยา มะมาวหะ หยา มะแอม มะเบอะ หะ คุม ต้อง หยา กะแดวหยู ยามาว ตะรอด แน แน กะ34แล้วโจย มายากต้องกาแหย แกะมันหยู ออลางทูวาดีลุย แมดุน บุงคะแรว อะบอหยู นะยาวแมมะอะเซ็ง อะบอแจด ละยาวอาก อะแหก35บีนัยทูวาดีลุย มะคิงขนมกะ แดวหยู อะบอละยาว แมแมน อะบอ แหดหยู ละยาวมะแอม อะแหก36แล้วหยู ตะแบ แมสาหยา กะแดวหยู มะทักต้อง เยซู ทีบีตาละ เจ้าเอ้37เยซู กะแดวหยู มะยาย บาและ ทีหยาหนามา มะติดกะแดวหยู จีจุม กะลอย มะกาย มะนุด มาตาก็ คะ หยูปา
Son Light Foundation