Luke16
1สีดาเยซูมะกาย ต้องสาวก หนาออลาง"พอดีอะบอตหนาแมสา หนามะนุดมาหยาก ต้องออลางพอดี แมสาออมากหยา นะแม่นบานาสมบัติหะลางพอดี2ออลางพอดี มะหอง แมสา มะกายต้องหยา'เรื่องที่โจยมะเอียงหยู ต้องเบงหยูเป็นละบูพาล่ะ ?3แมสามะคิดดาลำหยาวา โจยเพาะอะหนอ โจยดานีเยาเจ้านายมะโดยจากออมาก จะลาเกาขุตะนัก จะขอทานก็ ตาเลาออลาง4โจยดันกะจะบออะหนออะมอน เพื่อโจยมะแบดจากออกมาก ออลางเชง หนามอยมะรับโจยลามาออมากปอแหง5หนา มะหอง นา มะนุด ยาม ที อะบอ แล้ว มะแนะ อะบอ "เบง ติด นา โจย ทูม6หนา มะกาว "มะหยาด บวก อะลาเตาะ แกเล็น " ตอแก มะแนะ แมนหะซะแน โดย เบาะ ออนแล แนมา เปาะ แกเล็น7แล้ว หยา มะแนะ อะบอ "เบง ติด สะแน ทูม" หยา มะกาว บาละ "จอน พะล้า อะลาเตาะ กูนี่" เจ้าออมาก มะกาวบาและ "แมน ซะแน เบง เบาะออน แล วาเหลยเปาะ8แล้ว เจ้าตอแก หยู อะมอน ตอง เจ้าออมาก หนาเบาะนอง จะเดะตะหยา ทีหยา มะกาวบูหยู เพาะออลางตาพูง แมน ลอล้อ ลอด ชางโต ออลาง อะนาด สีดา9โจย มะกาว เบาะดัน ออนบาน้า ห้อง โดย แอม พะ พูงา โดย ยะ เพาะ บะนา ห้อง ลาเปะมอย คูยะ กอมะลับ อะมอนนาเบง10กะตี ทีมะลอง กาไต มอย งาบัน กะตี หยูกอมะอาก กาไต มอนงาบัน กะตี ที มะลอง กาไต ของแนะแนะ มอยหะ ป้า11นองหยู เบง มะลองกาไต มอยหะ อะจำ ล้า ที มะลองกาไต นาเบง มอย12ถ้า กาแหย มลองกาไต มอยหะ ตอง ตะออลาง อะเซ็ง อะจำ ล้า ล้า ทีมะลอง กาไต นา เบงมอย13หนา หะ บะบอ ที เบาะกาน ตอง ตอแก ทุหวา ดีลุย มอย เพาะ หยา ลัก ตอแก อะบอ แต่ บะยะ อะบอ เด้ กาแหย รับ สีดา ตอง บะน้าห้อง อะแหง มอยหะ14ออลาง ฟาริสี ปะน้า หนาห้อง ปอแหง นาวา หนา เยซู15แต่ เยซู มะกาว ต้อง พอเอง "กาแหย เบาะ อะมอย มะนุด อะมอน ทอนหา มะนุด แต่ สีดา ปะนา ดาลำ หยาหวา กาแหย ของทีกาโยง ตะมะนุด หยู พะดาตากะเนียง หยู บะยะ16หนา ไพ คำ สีดา ตอง ออลางแมสาสีดา นองตอง ยอห์น ปะนา ทนนองหยู หยา แบดมาหยาก คำสีดา แล้ว ออลางตาพูง ยูแปด นามา ตานัก หยู17นองหยู กะเนียง ตอง ตานัก หยู มอดะตอง ทีปิง ตะ คำสีดา เบาะละแงด18กะตี ที บายิน ตอง บีนัย แล้ว แมนบีนัย อะเซ็ง หยู เบาะ ผิดบาป กะตี ที แมน บีนัยที เยา บายิน หยู ผิดบาป ป้า19หนา กะตี พอดี อะบอ หยาลบ จะวัด สีงอมอง แมลาก หนา มะแมน สะนก ทาลอย ทาลอย20ตอง หนา กะตี ปาป้า อะบอ นามา ลาซารัส หยา ลอก้า ทัง ลอล้อ หยา แมดูน หนา แปเตา ออมาก กะตี พอดี21หยา งอด มะหยำ ของ มะเลีย ทีปะเลาะ นอง กาเต่ กะตี พอดี หยู แม ออย ลาปอด ลอก้า หยา22นองตอง หยู กะตี ปาป้า หยู หยา มาไต แล้ว บาน้า แมสาสีดา บะหยา พะ อับราฮัม แล้ว กะตี พอดี หยู มาไต ป้า หยาเยามะขัง23หยาหยู แกห้า สีสะ นองพะ มาไต หยู กะตี พอดีหยู หยา มองพะดาตา ปะนา อับราฮัม พะนาหยก ตอง ลาซารัส มะแอมพะหยู ป้า24กะตี พอดี หยู หยานาไง แมตา "โอ้ อับราฮัม แมตา เมตตา นองโจย ลาง แมตา ออน ลาซารัส หนาแมน งันหยา แตะ นอแอน ออนหนา โจย จะแหงม โจย สีสะ นอง อะปูยโดย25อับราฮัม มะกาว "โอ้ มอนเบง มะคิดบาและทีเบง หนา หยาหวา เบงมอยอะมอน ตอง ลอล้อ ลาซารัส หยู หยา มอย พัย นอง บานำ ยะ นองโดย หนามอยอะมอน เบงหยู เยา แกหา สีสะ26ทน หยู ตะงาก แอต้า หยู หนา ตะบง อะดะ พะหนา มะออน แอตา มะแอมอะแหง27กะตี พอดี หยูมะกาว "นองหยู โอ้ เจ้าอะปอง แมตา ใช ลาซารัส ลาเกา ออมาก อะปอง โจย ค้า28โจย หนา ลูอุย แนมา ดีลุย ออน ลาซารัส ลาเกา เตือน พอเอง เบาะ มอย พอเอง นะ แกหาสีสะ ละ บูโดย29อบราฮัม มะกาว พอเอง หนา โมเสส ตอง ออลาง แมสา สีดา มะออนพอเอง แนงา นอง พอเอง แบะ30กะตี พอดี หยู มะกาว "มอยหะ โอ้ อับราฮัม ถ้า หนา หะ อะบอ นอง มะนุด มาไต ลาเกา วัง พอเอง กลับ หยาหวา31อับราฮัม มะกาว บาและ "ถ้า พอเอง แนงา หะ นอง โมเสส ตอง ออลางแมสาสีดา หนามะนุด มาไต นางอน พอเอง กะเชียหะ"
Son Light Foundation