Luke18
1แล้ว หยู เยซู กะแดว หยู มะกาวดะกลา แนลำนี ตอง ตะทบแมสา หยา เบอะมอย มะสอน ตอง พอเหง คะนา แมตานะมะเทาหยา แล้วมะออน เปียกหะ กาไตยาวา ออลาง พอเหงหยู2มะยายหยา ดาลำ แนหยา อาดามายา กะแดวหยู แมสา มะออน ต้อง ออลาง หนาอะบ้อ หยากะแดวหยู ลากอด หะ ต้องสีดาแล้ว ต้องมะนุดกะ หยามะอากอะดะหะ3แล้วดาลำ แนหยา กะแดวหยู บีนัย ออลาง บาโลย หนาอะบอ หยากะแดวหยู แมตา ตองแมสา อะมอนดาน ต้องออลาง กะแดวหยู มะยาย ตอลองต้องโจย มะออนดาน ต้อง แมสา เบาะ บาและ ต้องโจยค้า4บีนัย ออลาง บาโลย แมตา แล้ว บะและแมสา มะออน ดาน ต้อง ออลาง กะแดวหยู ต่อลองหะต้องหยา แล้วแช ดูดุย กะแดวหยู หยามะนิกกาไต บูนี โจย นี แอะ ต้อง สีดา กะลา กอดหะ ตองมะนุดกะ มะอากอะกะ หะ คะแรว5บีนัย ออลาง บาโลย กะแดวหยู เบาสีสะแล้ว ต้องโจยหยู โจย คะน้า แนมา คา หยา ตอลอง หยา ยายบูหยู หะ หยานาดิน แนเลียก เบาะ สีสะ ต้องโจย นอง หยู โจยชะนะอะคะ6กาแหย เบาะ มะนิก ดะตะกาว แมสามะออนดาน ตะรงหะ ต้องออลางหยู7ออลาง แมเรียก สีดา กะแดวหยู ยายพอเอง แมตาทันอะรอยทันกะมัน เบาะมอย หยา ตอลอง ต้อง พอเอง หยู สีดา กะแดวหยู แนมาคา พอเหง หากา หยามะเบาะ ลาแก ตอลอง ตองพอเอง กา หะ8โจย มะกาว ตอง กาแหย หยากะแดวหยู นามาคา พอเองหยาแล้วมะเบาะ มะชังกา อะนาดมะนุดกะแดวหยู ยาย นาดิน อะลอยหยู ปะนา แนงาละบูก ตานัก นี นะมอยกา มะยาย เจา้เยซู กะแดวหยู9แล้วหยู เยซู กะแดวหยู มะกาว แนลำนี ตองแมสา อะยัดตอง ตะอะมอน แนเอง แล้ว มะอากอะหะ ตอง ออลาง อะเซ็ง ตาพูง หยู10หยามะยาย ออลางทูม ดีลุย นากาว แมตา นะมะ ดาลำออมากดะยาด สีดา หยู อะบอนี ออลางพอดี แช อะบอแชด กะแดวแมสามะกอแหง ตอดูชูยา11ออลาง พอดี แช กะแดวหยู แนนั้น พอเอง แล้ว แมสา นะมะ สีดา แอ โจยมะกาวบุน บาและ ตองเบง โจยแนรอดหะ ตะตอลอง โจยมะกาว แนรองหะตองออลาง แล้ว ต่อนังหะ บีนัย ออลาง นองพริงออลาง อะเซ็งหะ12โจย มะกาว บุน บาและ ต้องเบง โจยกะ ลาต้อง แมสามะกอกหง กะแดวหยู หะ อาตะแบกหยู ทูมอะรอย โจยมะออนมากานแล้ว โจยมะออนตองเบง ตะตะปอ ตะชุกอะชุก นองตาคุ้มแอนานอง โจย ตาพูงกา13แล้ว หยู แมสา มะกอก หง กะแดว หยู แนนัน นอง นายุด มาลีด หะยาตะกะเนียง แล้วแมเรียกยาตาหยา แล้วมะยาย สีดาเอ้ แนหงาตองโจย แมสาบาปแย14เยซู กะแดว หยู มะยาย โจย มะกาว ตองกาแหย ตะบาป หยา ละยาวมะรอด กะตอย แล้วหยาบาและออมาก หยา ออลางพอดี แชกะแดวหยู ตาบาปหยา ละยาวมะรอดหะ แมสามะอดยาวากาก้าหยู มะยาวมะอาก ดะหะ แมสา มะอากยาวา ละหะหยู นะยาวมะอากอะดะ15แล้ว หยู ออลาง อาด้าดุม เบาะอะนาด พอเอง ต้องเยู เบาะ มอยหยา มะอาก แนหงัน ยาตาพอเอง ตะทบ แมสา เยซูปะนาตะหยู รีบอน ต้องพอเอง16เยซู นะหอง จานาด แล้ว มะยาย นะมะห้ามละ ต้องจานาด ออนพอเอง นาดิน ตองโจยแบ พร้อพูหง่า สีดาหยู บาเซ็ง ตองออลาง ยาวาอะมอน ต้อง จานาด ป้า17เบาะบะชะนะตะนี แนแนแย แมสา อะลอยาย แมนาหะ พูงา สีดานองพริง จานาดกะแดวหยู ชะอะบิกะ นามาพูงาสีดา นะมอยหะ18แล้ว แมสา อะดะออลาง ยูดา อะบอ มะทักต้อง เยซู ชะยาอะมอนเอ เบาะมอย ตารอด ลาลุยยูแอะ โจยคะนา เบาะอะนอละ19เยซู มะกาวบาและ ต้อง หยา เบงเบาะอะนอ นะหองต้อง โจยอะมอนหยูแอะ สีดามารีด หยะอะมอน20เบง กะแดวหยู ชะดัน ตะมะกาว ตะมะสอน หนาตอนังละ ต้องบีนัยกานัย ออลาง หนาเบาะ มาไต ต้อง ออลาง หนาแนรอดละตะออลาง หนามะขอ เตเต้ พายาระ บาเซ็ง ออลาง มะอาอะดะ ต้อง อะนองอะปอง เบงแบ21แมสาพอดี มะยาย นองหยาโจย จานาดโท้กะ มะกาวตะมะสอน ตาพูงนี โจย แนงากา22เยซู แนเอียง หยู หยามะยาย ต้องแมสา พอดี เบงคะนา มะเบาะ อะบูลัดเด นูปุย นอง หนา ต้องเบง ตาพูงแล้ว มะออนหง กะเเดวหยู ต้อง แมสา ปะปาหยา บูหยู เบง หนาตาพง แอนานอง ดาต้า กะเนียงโท้ แล้ว นาดิน นาแงนดูดุย โจยคะ23นะเอียง ตาหยู มะนุด กะแดวหยู ชะอะบิกะชะนกหะพอ หยาพอดี รอดหยู24ปะนาต้องหยา ชะนะหะกะแดวหยู ยายเยซู แมสา พอดี นามาดาลำ พูงา สีดา บอดะหะ25แมสาพอดี อะบอ นามาดาลำ พูงา สีดา กะแดวหยู จีชะ นานัดกว่า กะล้าอูด นามาดาลำ นะยาง ยาลมกะแดวหยู26กะตี นะเอียง มะกาว"นองบูหยู อะจำะรอด"27เยซู มะกาวบาและ"มะนุด เบาะมอยหะ สีดาเบาะมอย"28เปโตร กาว ตอง เยซู "นองบูโดย กาโมย บายิน นองออมาก กาโมย มะตาม เยซู ลาเกา"29เยซู มะกาว "โจย กาว แน ตอง กาแหย มะนุด ที บายิน ออมาก บีนัย ลูอุอะก้า อะปองอะนอง อะนาด แล้ว นอง ปะนา ตานักกะเนียง30มอน มะ แทน นอง ทาลุย โจย ตอง ทาลุย พาแกอ ตอง ตะหวะ31แล้วหยู เยซู นะนอง ตองตะแบแมสา หยา ตะบอทูวาดีลุย ทีหยา อะเซ็ง แล้ว มะยาย ต้องพอเอง เบาะ แนหงา เดะ นีกามอย ออลางมะกาว แนยา ซายูลาโท้ คะหยู ตะ คุ้ม ออลาง มะกาว ออกัง สีดา บาเซ็ง ต้อง อะนาดมะนุดหยูแอะ ผิดปะนูดคะรุย คุบปะนุกกาตย32อะนาดมะนุด คะนานะยาว มะออนนะงัน ออลาง ยูดะหะ แล้วพอเองกะแดวหยู มะกาว รายากนะต้อง หยา ละกาต้องหยา แล้วลายากต้องหยา33พอเอง กะแดวหยู แมเรียก นะต้องหยา แล้วเบาะ มาไต ต้องหยา แล้วเลอะตะรอด อะรอย อะรอยหยูแอะ หยากอเด็บบาและนะ34ตะบ แมสา หยา ตะมะกาวหยา ตาพูง หยู พอเองนะเอียงหะ กาไตพอเอง กาตูหะหยูหยา มะกาวตาพูง บาเซ็งนอง จีพันหยู พอเอง ชะดันหะ35แล้ว หยู เยซู นาดิน ดานีต้องแนยา เยรีโค36หยา นะเอียง มะนุด แล้ว มะแนะ37ปอแหง มะกาว หนา เยซู38หยามะหองนองออกัง การอง อะนาด พะยา ดาวิด เยซู แนหงา ตองโจย ค้า39ออลาง นะกาว คะนา แมตา ต้องหยา มะยาย ต้องหยา มะแอม น้อง หยา นะหอง นองออกัง อะดะ หงาบัดกวา บูสี อะนาดพะยา ดาวิด แนงา ตอง โจยค้า40เยซู แนนัน แล้ว มะสัน ออน กะตี่ มาตากอตูน นาดิน วัง เยซู คะนา หยา นาดิน นาดี เยซู มะกาว41เบง งอด ออนโจย ตอลอง อะนอ ล้า " หนามะกาว "โอ้สีดา " แมตา เบาะ ออนโจย ปะน้า โล42แล้ว เยซู มะกาว นาหยา "ออน ปะนา ตะมะเชีย ตะเบง เบาะ ออน เบง ปะนา "43"ทนนอง หยู กะตี่ มาตา กอตูนหยู มอง ปะนา " นองหยู หยาตาม เยซู ลาเกา ตอง นะมะ เยซู
Son Light Foundation