Meng Lai98
Meng.
1CHAKRAMANG vüi tek meng sar büa diah.Tawngplawng kowchow panow aia dow awdara lup ahuma chang khai.Aia dow aia kowh akürma mih rut hown uang lawng enni khai,aia kowh chimsaima mih bawng hown uang lawng enni khai.2CHAKRAMANG dow aia kowh lawngra lup mih maru-uüa kowi uang tüng pe khai,aia kowh nalawngla kown mih kür dow chenchapuüa kowi aia uang phuang pe khai.3Israeluüa vüi kowi kowh aia kowh achur uowi dowi mih sakraura hai kaah sakowm mih rah laiklow dow aia tuakla reng chekhai,aia maru-uüa kowi aia lawngah mih dow palusama maru khi bowk khowk chekhai.4Palusama maru-uüa low, CHAKRAMANG vüi apiawma tek meng büa diah,awmrawmma hown atünma tek rowsi meng büa diah.5Tep taraw se CHAKRAMANG vüi tek rowsi meng büa diah,taraw tün hown CHAKRAMANG vüi tek kiow meng büa diah.6A-i kowh mang pur kowi tum baw büa diah,a-i kowh CHAKRAMANG pur kowi apiawma tek meng diah.7Sata hai sata kowi kowh uowi mih maten dow aia kowi atünma pacham kiowah lah,lusa hai lusa kowi kowh uowi mih maten paw atünma aia kowi pacham kiowah lah.8Awchawng awlang maten dow phek rut se pacham awmrawm lah,hungma mawngma maten paw ahawmsang pacham tek awmrawm meng lah.9Amatni dow CHAKRAMANG pur kowi naiawng pacham chang lah.Tawngplawng kowchow panow CHAKRAMANG dow lusa kowi nauang chet tara kownkow uang tarü khowk.Aia dow lusa kowi nachet tara nowm kown,chenchapuüa kowi dow anowmma aia nachet pe tara kown.The Seed Company