Meng Lai97
1CHAKRAMANG dow mang chekhai!lusa dow pacham piaw lah,süngdum maten dow pacham awmrawm lah.2Aia riaret kowi dow uangnim hai aiiu kangowh chekhai,aia kowh mang chowm rah chüng dow achinawmma hai anowmma chekhai.3Aia pur kowi dow maih rik mang khai,nami maih dow aia kowh ransu-uüa maten kowi kamla bowk khai.4Aia kowh pla nowi dow palusama kowi krawi nowi khai,nami khita hanow lusa dow kram kowh chür khai.5Palusama kowi kowh CHAKRAMANG pur kowi dow hungma mawngma chawr reng chekhai;aia pur kowi dow hungma mawngma mih iawn maih iawng chawr reng chekhai.6Mukuang dow Thurai kowh tachi tanawmra phuang reng chekhai,now chenchap maten dow aia kowh kraingra khi reng chekhai.7Arup aren kowi chup miuüa dow pacham ka rukrai reng lah;akeng mih thuraiuüa hown chang bawri miuüa paw pacham ka rukrai reng lah.Tawngplawng kowchow panow akeng mih thuraiuüa dow CHAKRAMANG pur kowi nauang tabawk kown.8Aw CHAKRAMANG, en chet tara nowm mih ta hanowZaiawn kowi kowh maru-uüa dow awmrawm khai bowt,Juda pren kowi kowh maru-uüa dow piaw khai bowt.9Aw CHAKRAMANG, en dow palusama kowi kowh lang kri lang kraing mih Thurai chekhai,en dow akeng mih thuraiuüa maten lak-e paw lang kür chekhai.10CHAKRAMANG kowi sakrau miuüa dow angak kowi pacham sui lah.Aia kowi ringkaw miuüa kowh sak dow aia towkala pe reng,now maru ngakuüa hownia dow amatni kowi aia lawngah reng chekhai.11CHAKRAMANG kowi ringkaw miuüa luk kowi dow anowi sawt reng,saktuak chinawmma miuüa dow ka piawra reng chekhai.12Aw Thurai kowi ringkaw mih maru-uüa,CHAKRAMANG hown awmrawm büa diah,now aia kowh ming chimsaima mih kowi kiow büa diah.
The Seed Company