Meng Lai99
1CHAKRAMANG dow mang chekhai,chenchap maten dow kram hown pacham chür lah.Aia kowh mang chowm rah dow cherupuüa luk kowi chekhai;lusa dow pacham chü lah.2Zaiawn kowi kowh CHAKRAMANG dow kri kraingma chekhai;aia dow chenchap maten luk kowi kowh lang kri mih chekhai.3Chenchapuüa dow aia kowi pacham kiowah lah;aia dow kri kraingma chekhai,now aia kowh ming dow ringkawma hown kramra uowima chekhai.Aia dow chimsaima chekhai!4Aw akürma mih mang, en dow anowm kowi sakrau reng,anowm kowi dow anikma en towah khai.Israel pren kowi dow anowm hai tachi tanawmra en towah khai.5CHAKRAMANG a-i kowh Thurai kowi kiow büa diah!Aia kowh mang chowm rah pur kowi tabawkah krawm se chupiiaah diah.Aia dow chimsaima chekhai!6Aia kowh uamowuüa pungmadawng kowi Mosi hai Arawn paw na chekhai,aia tut-e awr lü awr leng miuüa pungmadawng kowi Samuel paw na chekhai.Amatni dow CHAKRAMANG tut-e awr lü awr leng reng chekhai;nahanow CHAKRAMANG dow amatni kowi iu klangah reng chekhai.7Aia dow uangnim iowng chunglung mih hownia amatni kowi klangah reng chekhai;nahanow amatni dow aia kowh ana pek hai aia kowh rirow chün reng chekhai.8Aw CHAKRAMANG anging kowh Thurai, amatni kowi dow en klangah reng,now amatni kowh angak dow en lawtta pe reng chekhai.Tawkche amatni chang ngak khe dow en ripah reng chekhai.9CHAKRAMANG anging kowh Thurai kowi kiowah büa diah;now Jerusalem marow kowi kowh aia kowh chimsaima mih hungh kowi chupiiaah diah.Tawngplawng kowchow panow CHAKRAMANG anging kowh Thurai dow chimsaima chekhai.
The Seed Company