Meng Lai96
1CHAKRAMANG vüi kowi tek meng sar büa diah,aw lusa kowi kowh maru maten, CHAKRAMANG vüi tek meng büa diah.2CHAKRAMANG vüi tek meng diah,aia ming kowi kiow diah;Aia lawng a-i mih satang iung dow ni towng krawi phuang büa diah.3Aia kowh kraingra lawnguan dow chenchapuüa tut-e krawi phuang diah,aia kowh awdara lup lawnguan dow maru maten tut-e krawi phuang diah.4CHAKRAMANG dow kri kraingma, aia dow ahuma kiowri kak taing chekhai,aia dow akeng mih thuraiuüa lak-e paw kramra lang uowi chekhai.5Akeng chenchapuüa kowh thuraiuüa dow arup krowngchow taih.Tawkche CHAKRAMANG dow mukuang thawp miia chekhai.6Aia riaret kowi dow kiowrira hai kraingra tavir lut chekhai,aia kowh kim chimsaima mih kowi dow kürra hai klangiungra atekma chekhai.7Aw chen towng chap towng maru-uüa, CHAKRAMANG kowi kiow büa diah,aia kowh kiowrira hai kür kowi kiow büa diah.8CHAKRAMANG ming dow kri kraingma pami taphuang büa diah,uang pawla uanap hanow aia viadawng kowi uang büa diah.9CHAKRAMANG kowh chimsaira dow klangiungma rakowi aia kowi chupiiaah büa diah,palusama kowi kowh maru-uüa low, enni mih aia pur kowi chür büa diah.10Chenchapuüa tut-e maiawng krawi phuang diah,“CHAKRAMANG chowtaih mang.Lusa dow anikma aia towah khai.Nami dow katpaw nachü kown nadowi.Aia dow chenchap maten kowi tara nowm nachet pe kown,” pabüah diah.11Mukuang hai lusa dow pacham piaw lah,sata hai sata kowi kowh uowi mih maten paw pacham how sawmlawm lah,12dowm hai dowm kowi kowh uowi mih maten dow pacham piaw lah;nahanow kaurawng kowi kowh singh kau maten paw awmrawmma hown natawi piaw kown,13amatni dow CHAKRAMANG pur kowi natek meng kown.Tawngplawng kowchow panow aia dow lusa kowi nauang chet tara kownkow uang tarü khowk;aia dow lusa kowi nauang chet tara nowm kown,chenchapuüa kowi dow kaah sakowmma hown aia nachet pe tara kown.
The Seed Company