Meng Lai95
1Chu, CHAKRAMANG vüi a-i tek rowsi meng diah sik!A-i kowh lawng miia Singku Huamang vüi a-i tek awmrawm meng diah sik.2Chu, awmrawmma hown Thurai kim kowi a-i kowkowi diah sik,now meng hown aia kowi a-i kiowah diah sik.3Tawngplawng kowchow panow CHAKRAMANG chowtaih lang kri lang kraing mih Thurai,akeng mih thuraiuüa luk kowi kowh lang kri mih mang dow aia chowtaih.4Aia dow lusa kowi kowh uowi mih maten luk kowi chang alow reng,aia dow abüpma mih arah hownia alowngma mih hungh maten luk kowi chang alow reng chekhai.5Aia dow aia thawpah mih sata luk kowi paw chang alow reng,aia thawpah mih krawng bawn luk kowi paw aia chang alow reng chekhai.6Chu, tabawk krawm se aia kowi a-i chupiiaah diah sik,thawp a-i miia CHAKRAMANG pur kowi tua kung se a-i tabawk diah sik.7A-i kowh Thurai dow aia chowtaih, a-i dow aia kowh maru chowtaih;aia dowm kowi kowh thingah mih ruapur hawmh iawng aia dow mingkhet a-i reng chekhai.Ani mih aia kowh laiklow sünta diah.8CHAKRAMANG tek mih, “Enni kowh saktuak dow enni kowh pipu-uüa iawng akhawtma hangkow changah diah.Amatni dow ang kowh lup khi khowk chowdiah.Nachenganchepaw süngrüp süngkangma kowi kowh Meriba hai Masa pami arah kowi chaing ang büah khai.10Naiawng rakowi amatni kowi dow 40 ning mowr ang kunmarauah khai;ang tek mih, ‘Naiawngün maru-uüa kowh saktuak dow angak prakowi kangowh chekhai;amatni dow ang kowh ana pek chün dowi chekhai,’ pakhai.11Naiawng rakowi kunmarauma hown takham se ang tek mih,‘Amatni dow ang nape tanaiah kown mih pren kowi naka kup kown nadowi,’ pape khai,” pakhai.
The Seed Company