Meng Lai87
Kora krungchakuüa kowh meng.
1CHAKRAMANG dow thawp aia kowh marow lowk chekhai.Nami dow chimsaima mih hungh kowi aia thawpah khai.2Israel pren kowi kowh akeng mih marow maten lak-eaia dow Zaiawn kowi lang sakrauah khai.3Aw Thurai kowh marow,en lawnguan kowi ahuma Thurai tek en kraingra laiklow khai. [Sela]4CHAKRAMANG tek mih, “Tuk ang miuüa maten kowi dow Jerusalem marowchak ang naklowkla kown;Aigupta, Babulawn hai Filistin prenchak tuk ang miuüa dow Jerusalem marowchak natawi chowng kown,now Tura hai Ethiawpia prenchak paw tuk ang miuüa dow Jerusalem marowchak natawi chowng kown” pakhai.5Nakhowk khe Zaiawn marow lawnguan kowi maru kawmuüa natek kown mih,“Nakowi kowh maru maten dow ka chowng marowchak rakowi piaw khai,” napa kown.Nami marow kowi dow lang kri lang kraing mih CHAKRAMANG ngengche napeah prasi kown.6Chenchapuüa kowi CHAKRAMANG tang pe ming khe natek kown mih,“Amatni dow chowng Jerusalem marowchak khai bowt,” napa kown. [Sela]7Amatni dow plai se plai se natek meng kown mih,“Anging kowh singra tut dow Zaiawn marow chekhai,” napa kown.The Seed Company