Meng Lai86
David chup Thurai mih.
1Aw CHAKRAMANG, ang laiklow sünta diah,now iu klang ang diah.Ang dow ngarema hai akhawr hown ang uowi khai.2Ang dow ringkaw en reng chekhai;naiawng rakowi nakowng kown mih hownia uang lawng ang diah.Aw ang kowh Thurai, ang dow en luk kowi neplawng nesak mih en kowh nar chekhai;naiawng rakowi en mih uang takhula ang diah.3Aw CHAKRAMANG, uang saksing sana ang diah.Tawngplawng kowchow panow ni towng en tut-e ang uang kar reng chekhai.4Aw CHAKRAMANG, en tut-e ang awr lü awr leng khowk.Naiawng rakowi uang pe ang awmrawmra diah.5Aw CHAKRAMANG, en dow aiungma chekhai,now en dow pe lawtra reng chekhai.Uang lü khowng miuüa kowi dow en sakrauah reng,amatni kowi dow en kowh achur uowi dowi mih sakraura en tüng pe reng chekhai.6Aw CHAKRAMANG, ang awr lü awr leng mih sünta ang diah;kar se ang awr lü khowng mih hawt sünta ang diah.7Ang kla phih mih khin khe ang nauang haw en reng kown,now en nauang klang ang reng kown mih ang tuk chekhai.8Aw CHAKRAMANG, en iawng mih dow akeng thuraiuüa pungmadawng kowi miapaw uowi dowi;en changah mih lup dow amiapaw tawi nowng chang dowi chekhai.9Aw CHAKRAMANG, en thawpah mih chenchap maten dow en pur kowi nauang büah kown;amatni dow krawng kowi tabawk krawm se nauang chupiia en kown,amatni dow en ming chimsaima mih kowi nauang kiowri kown.10Tawngplawng kowchow panow en dow kri kraingma chekhai,now en dow chang awdara lup reng;Thurai ching dow en chowtaih.11Aw CHAKRAMANG, en kowh tiama uang tüng ang diah;nahanow en kowh anowmma mih kowi ang naia mang kown towbowt.Ang kowi saktuak lowkchow chang ang diah;nahanow ang naringkaw en kown towbowt.12Aw CHAKRAMANG, ang kowh Thurai,ang kowh sak maiow hown ang narowsi en reng kown,chowngchowng saksakma en ming kowi ang nakiow reng kown.13Ang luk kowi kowh en kowh achur uowi dowi mih sakraura dow kri kraingma chekhai;kowng kown mih hownia en uang lawng ang khai.14Aw Thurai, abawrima miuüa dow uang kingküa ang khai;chang nowng chang powng miuüa dow saita ang kownkow sangkrang büah khai.Naiawngün maru-uüa dow mapaw ringkaw en dowi chekhai.15Nachenganchepaw aw CHAKRAMANG, en dow saksing sanara atekma mih Thurai;En dow kunmarau naklak dowi chekhai.En kowh achur uowi dowi mih sakraura dow anikma chekhai,now en kowh kaah sakowm mih rah paw atekma chekhai.16Ang prakowi uang iu dang diah,now uang saksing sana ang diah.En kowh kür dow en nar kowi uang peah diah,en kowh narma chapa kowi uang takhula diah.17Aw CHAKRAMANG, en sana ang mih amatra uang tüng ang diah.En khowng ang mih hai pe ang sakkhawtra mih khita hanowsui ang miuüa dow narukrai kown.The Seed Company