Meng Lai85
Mami dow Kora krungchakuüa kowh meng chekhai.
1Aw CHAKRAMANG, achük alai khe en maru-uüa kowh pren kowi en sanaah khai;Jakawb krungchakuüa kowi dow en plan peah iungra khai iawk.2En maru-uüa kowh angak dow en lawtta pe khai;amatni kowh angak maten dow en khuta pe khai bowt. [Sela]3Amatni luk kowi en kowh kunmaraura maten en prowngta khai bowt;now en kowh kunmaraura lün pluplup mih dow en rimta khai bowt.4Aw anging kowh lawng miia Thurai, alai kowh iawng kawmat paw pe anging iungra diah;anging luk kowi kowh en kowh kunmaraura mih taingta bowt diah.5Anging luk kowi en kunmarau mih chowngchowng saksakma bow en towah kown?chowngchowng saksakma bow anging luk kowi sak-ih dowi kowi en nauowi kown?6En plan pe anging kür dowi bowt tham bow?en luk kowi en maru-uüa ka awmrawmra dowi bowt tham bow?7Aw CHAKRAMANG, en kowh achur uowi dowi mih sakraura tüng anging diah,now uang lawng anging diah.8CHAKRAMANG Thurai natek kown mih laiklow srui ang nasünta kown;kaah sakowmma mih aia maru-uüa tut-e aia dow natek pe thaulangra laiklow kown.Tawkche amatni mih athukma mih lup prakowi plan dowi bowt kown takla.9Aia kowi kowh kram miuüa kowi aia nauang lawngah kown mih khin dow tawn mih nowm khowk chekhai;nahanow aia kowh kri kraingra dow a-i kowh pren kowi nauowi reng bowt kown.10Achur uowi dowi mih sakraura hai kaah sakowm mih rah dow natakrum bowt kown,tachi tanawmra hai thaulangra mih lowkkowlowk natanam bowt kown.11Nakhowk khe dow pren kowi kaah sakowm mih nauang ru bowt kown,mukuang hownia tachi tanawmra mih adak prakowi naiu mü bowt kown.12Aiung chap dow CHAKRAMANG mih nape a-i nowm bowt kown,now a-i pren kowi luprak ahuma aia nape phawah bowt kown.13Tachi tanawmra mih aia pur kowi narik mang reng kown.Nami dow aia vüi narik kamrüt pe tiama reng kown.The Seed Company