Meng Lai84
Mami dow Kora krungchakuüa kowh meng chekhai. Mami dow “Gitit” pami meng owi iawng natekah kown mih meng chekhai.
1Aw mukuang siphaiuüa kowh CHAKRAMANG,en kowh uowi rah dow lainowmma klangiung chekhai!2Ang kowh sak mih CHAKRAMANG kim viadawng nakhi kownkow lainowmma prüa khai.Naiawng rakowi ang kowh sak that kown chowbowt mih iawng towbowt chekhai.Masing Thurai vüi kowi ang kowh buk hai sak mih tek awmrawm meng khai.3Aw mukuang siphaiuüa kowh CHAKRAMANG,en dow ang kowh mang hai ang kowh Thurai chekhai.En kowh phuchuara re-e dow kimpuk ua ka bai khai,en kowh kim kowi dow charak ka bai changra khai.4En chup kim kowi uowi miuüa dow prasira uowima chekhai;amatni dow atungma rowsi kiowri en reng chekhai. [Sela]5En hownia ka kür miuüa dow prasira uowima,Zaiawn hungh kowi kowkowi kown tuak miuüa dow prasira uowima.6Baka lawngrawi iawng mang büah khe amatni kowi dow en peah tui khai,nami lawngrawi kowi dow manawng uang tui hown en pe phawah kanh khai.7Amatni kowi dow tiama rawng kowi en peah kür ngamlam khai,amatni dow Zaiawn hungh kowi Thurai pur kowi kowting büah bowk khai.8Aw CHAKRAMANG, lowra nowng chang mih Thurai, ang awr lü mih sünta diah,aw Jakawb kowh Thurai, ang laiklow kowi pe ching diah. [Sela]9Aw anging kowh Thurai, en dow anging kowh kawngma chekhai,en nümnapah mih maru kowi saksing sanaah diah.10Akeng kowi athawng ni cham uowi mih lak-een kim viadawng kowi ka uowi panichow mih lang iung chekhai.Maru ngakuüa kowh tangbung kowi asowrma uowi mih lak-een kowh kimplawt mawm re-e iowng mih lang iung chekhai.11CHAKRAMANG Thurai dow sat hai kawngma iawng chekhai;aia dow saksing sana a-i reng, now pe a-i ringkawra reng chekhai,now achinawmma miuüa kowi peah uanh iung reng chekhai.12Aw mukuang siphaiuüa kowh CHAKRAMANG,en luk kowi neplawng nesak miuüa dow prasira uowima chekhai.The Seed Company