Meng Lai8
Mami dow David kowh meng chekhai. Mami dow aiangchow mih tünteu chang müa hown natekah kown mih meng chekhai.
1Aw CHAKRAMANG, anging kowh CHAKRAMANG,palusama kowi en kowh ming dow kri kraingma chekhai,en kraingra dow mukuang pren kowi paw en tüngah khai.2Ngeuüa hown ingrikchowuüa nawr hownia en rowsi meng dow uang lawt khai,amatni nawr kowi naiawngün meng dow en peah khai.Naiawng en changah mih dow en ransu-uüa naka laira dowi kownkow chekhai,now kingküa en miuüa kowh nawr pacham takowp lah pakowh chekhai.3En rut hown kowh en thawpah mih mukuang prakowi ang tang mü khe,krek hai lama amatni uowi rah kowi en towah mih ang khi khe,4ang ka tuak mih, “Tawngplawng kowchow lusa maru kowi khowt pat en mingkhetah khai?Tawngplawng kowchow khowt pat en towah sak khai?” pakhai.5Lusa maru kowi dow kramamu-uüa lak-e lang nem rowtchow en thawpah khai.Mang lukruk iawng en changla anging khai,ringkawra hai rowsira dow en pe anging khai.6En rut hown kowh en thawpah mih maten luk kowi en pe chang anging alow khai,uanh thawp maiow anging nimkrüa kowi en towah khai:7Chia hawmh hai ruapur hawmh ün,lusa kowi kowh kaurawng uaramchak maiow ün,8kuang dawng kowi kowh iow mih uakling uaber ün,sata kowi kowh sawng dam ün,asak uowi mih maten anging low kowi en pe uowiah khai.9Aw CHAKRAMANG, anging kowh CHAKRAMANG,palusama kowi en kowh ming dow kri kraingma chekhai.The Seed Company