Meng Lai70
Mami dow David kowh meng chekhai. Mami meng dow natuakla reng kown mih meng chekhai.
1Aw Thurai, uang lawng ang diah,aw CHAKRAMANG, alenma uang khowng ang diah.2Saita ang kown kamrüt miuüa dow pacham rukrai lah;ang piak mih khi kown nau miuüa dow mum tulu se pacham plan lah.3“Cham na bowt lah,” pahai chit ang miuüa pacham ka rukrai lah,amatni dow ka rukrai hanow pacham plan büah bowk lah.4Tawkche en low iawng mang miuüa dow en hown pacham awmrawm lah,amatni dow en hown pacham piaw reng lah.En kowh lawngra lup kowi sakrau miuüa dow pacham tek awmrawm lai lah,amatni dow, “Thurai dow kiow pauowi lah,” pahai chowngchowng saksakma pacham tek lah.5Ang dow tuak kawm tuak krat hai akhawr hown ang uowi khai;aw Thurai, alenma ang tut-e uang diah.En dow ang kowh khowng miia hai lawng miia chekhai;aw CHAKRAMANG, alenma uang khowng ang bowt.The Seed Company