Meng Lai65
Mami dow David kowh meng chekhai.
1Aw Thurai, Zaiawn kowi en rowsi meng anging tek reng,anging takhamta mih maten dow en vüi anging nachang en reng kown.2Aw anging kowh prasi lük klow hawt sünta reng mih Thurai,en tut-e chowtaih maru uang reng.3Anging dow anging matia kowh lup ngak kowi cham tamir khai.Nachenganchepaw anging kowh angak mih en lawtta anging reng.4En ruiah mih maru, en matia tut-e en pawla mih maru-uüa dow prasira uowima,amatni kowi dow en kowh chup kim viadawng kowi naia uowila kownkow en pawla mih chekhai.En kim kowi, en kowh arah chimsaima mih kowi en kowh prasi hown sak-ihma hown anging nauowi kown.5Aw anging kowh lawng miia Thurai,anging haw en mih kowi iu klang anging diah,now en kowh awdara uowima mih lup hown uang lawng anging diah.Lusa kowi kowh arah towng kowh maru-uüa dow en luk kowi owmsak reng,alakma mih sata pang kowi kowh uowi miuüa paw en luk kowi neplawng nesak reng chekhai.6Hungma mawngma maten en thawpah mih dow en matia kür hown chekhai,nami hownia dow en akürma pami uang tatüng khai.7Sata tui tün nowk rumrum mih kowi pe rimah mih dow en chowtaih;sata tui talowng phunglung mih klow pe rimah mih dow en chowtaih,now chenchapuüa taran urlur mih klow pe rimah mih paw en chowtaih.8Lusa kowi kowh maru maten dow en kowh awdara lup khi hanow lakkhia reng chekhai,now satlawt hownia satkup mowr maru maten dow apiawma hai how sawmlawm reng chekhai.9En dow lusa mingkhet mih chekhai,lusa kowi en peah uang tui reng hanow bawr ahuma en pe uowiah khai.Aw kowi dow tui atekma en towah reng chekhai,nami hownia dow lusa maru ka luprak reng chekhai.Naiawng hai krawng dow en kamrüt pe khai:10Ki thawnta laih khe en uang chin pe uang hanow tui atekma en towah khai;uang tui hown akhawtma mih bawn ün anümchow en changah khai,now cha ru cha pawi kowi ahuma en peah prasi khai.11Khowm bowkta mih akhin towng en prasi hown ahuma luprak phaw reng,en krawi mangah mih arah towng dow luprak aiungma phaw reng chekhai.12Tawncher tawkra dowm dow pram ner asingma chekhai,hungma mawngma kowi paw pram ner tahowng nurlur chekhai.13Dowm towng kowi paw ruapur hawmh atekma kangowh chekhai,lawngrawi kowi paw luprak kangowh tamumla klum khai.Naiawngün dow tüng awmrawm klow hai tek meng reng chekhai.The Seed Company