Meng Lai64
Mami dow David kowh meng chekhai.
1Aw Thurai, ang uang chawk lai mih hawt sünta ang diah;ransu-uüa rut hownia uang lawng ang diah.2Maru ngakuüa kowh sangkrangra ngak hownia uang lawng ang diah,maru ngakuüa thum hownia uang lawng ang diah.3Amatni dow amatni kowh dai mih saidawng iawng sükah khai,amatni kowh laiklow ngak dow leba sek iawng chekhai.4Amatni dow angak uowi dowi mih maru kowi kukpa krawi tek dai lai khai,kram dowi kowi maru mingmang dowi khe amatni dow akruma mih laiklow krawi tek khai.5Amatni kowh sangkrangra ngak mih kaneuma thawpah büah khai,kukpa nakrawi chakta leng hüah kownkow tape prengia büah khai.Amatni tatek mih, “Nami leng dow amiapaw nakhi kown nadowi,” pakhai.6Amatni dow nachang ngak kownkow thawp prengia hanow tatek mih,“Lowra prakowi tuakah kaneu kowh thawpta prengia lowk khowk,” pakhai.Lusa maru kowh saktuak dow abüpma; miapaw krawi ia tuk dowi chekhai.7Nachenganchepaw Thurai dow leba sek hown amatni kowi naap-ah kown,mingmang dowi khe leba sek kak hanow amatni dow natim kown.8Amatni dow amatni kowh dai rakowi nauang pawla piakra kown,amatni piak mih khi hanow maru maten mih nakhareah kown.9Nakhowk khe dow maru maten sak kowi kramra nauang ting kown;Thurai changah mih lup maten nakrawi phuang büah kown,now nami lawnguan mih natuakah büah kown.10Thurai kowi ringkaw miuüa dow CHAKRAMANG rakowi napiaw reng kown,now aia tut-e chowtaih natatung tanim büah reng kown.Saktuak prawngma miuüa dow aia kowi narowsi reng kown.The Seed Company