Meng Lai63
Süngrüp süngkangma kowi uowi khe kowh David tekah mih meng.
1Aw Thurai, ang kowh Thurai dow en chowtaih,süngürma hown ang haw en khai.Mami akang khawngma mih süng nau tui iawng,ang kowh sak dow lainowmma nau en khai.Ang prüa en lai bowt kowh ang kowh kow paw ngawi khai bowt.2Naiawng rakowi en kim chimsaima mih kowi ang khi en kown ang nau,en kowh kür hai en kowh kraingra mih khi kown ang nau.3En kowh achur uowi dowi mih sakraura ang ka mih dow lainowmma iung chekhai.Nami dow sing uowi mih lak-e paw ang vüi lang iung chekhai.Naiawng rakowi ang narowsi en reng kown.4Chownglawng prat ang narowsi en reng kown,chawk rut se ang nachup en reng kown.5Cham cha pawi mih maru iawng ang kowh sak nata-ih kown,now ang dow awmrawmma hown natek en rowsi meng kown.6Phangbek kowi mawk khe ang ka tuak en reng chekhai,uar prowt chi en lawnguan kowi ang tuak reng.7Tawngplawng kowchow panow en dow khowng ang reng chekhai.Naiawng rakowi en downg krüa kowi ang natek rowsi meng reng kown.8Ang dow kür uowi mih maten hown dowkta en chenchen khai,now en kowh hawmlawm rut hown en uang krui ang khai.9Napawta ang asak kownkow krawi lim ang miuüa dow nakowng kown,now amatni dow kowng miuüa uowi rah kowi nacham uowi büah kown.10Amatni dow saidawng hown nacham kowng büah kown,amatni kowh uak dow brenkhui hawmh kowh chakkham nachowng kown.11Nachenganchepaw mang dow Thurai ming hown napiaw kown,aia ming hown takham miuüa dow aia kowi narowsiah kown.Tawkche dailama miuüa kowh nawr dow nakowpta pe hüah kown.The Seed Company