Meng Lai62
Mami dow David kowh meng chekhai. Mami dow Jeduthun kowh meng owi iawng natekah kown.
1Ang kowh sak mih rarimma Thurai kowi hawt chawng khai.Tawngplawng kowchow panow ang kowh lawng miia dow aia chowtaih.2Ang kowh Singku Huamang hai ang kowh lawngra dow aia chowtaih;aia dow ang kowh akhawtma mih kimkrowng chekhai.Naiawng rakowi katpaw ang napiak kown nadowi.3Mün ni tak chow enni nasen ang kown?Ang dow chü lowlow mih tap iawng towbowt,ang dow tapiak nak mih khah iawng towbowt.4Amatni kowh sangkrangra ngak dow ang kowh maru iukra napiakta kown mih chekhai,amatni kowh awmrawmra dow ang lawnguan kowi kowh küa dai mih chekhai.Amatni dow nawr hown krowngchow taih pe ang prasi reng.Tawkche sak hownia dow pe ang piati büah reng chekhai.5Ang kowh sak mih rarimma Thurai kowi hawt chawng khai.Tawngplawng kowchow panow pe ang sakowmra reng mih dow aia chowtaih.6Ang kowh tatung tanimra Singku Huamang hai ang kowh lawngra dow aia chowtaih,ang kowh akhawtma mih kimkrowng dow aia chowtaih.Naiawng rakowi katpaw ang napiak kown nadowi.7Ang kowh lawngra hai kiowrira dow Thurai hownia kowh chekhai;Thurai chowtaih ang kowh akhawtma mih kimkrowng,aia chowtaih ang kowh thaulangma mih tatung tanimra.8Ang maru-uüa low, Thurai chowtaih a-i kowh tatung tanimra;aia luk kowi atungma neplawng nesak büa diah,now enni kowh tuak krat pusara aia kowi phowk pe büa diah. [Sela]9Iawngpa mih maru-uüa dow li iawng chowtaih,now asung uowima mih maru-uüa paw tawngpaw nadowi chekhai.Set hown khaiah e amatni dow li lak-e lang howp chekhai.10Enni kowh nowng chang powng changra kür kowi hangkow owmsak büa diah;kuk rak hown naphaw kown mih kowi mapaw hangkow neplawng nesak büa diah,en kowh dawngthawnguan ahuma chepaw mapaw hangkow sakowm diah.11Thurai tek mih,“Kürra maten dow ang kowh chowtaih,now achur uowi dowi mih sakraura paw ang kowh chowtaih,” pakhai.Naiawng Thurai tek mih ahuma khowk ang ta.Maru maten kowi amatni kowh lup iawng en peah sung reng chekhai.The Seed Company