Meng Lai61
Mami dow David kowh meng chekhai. Mami meng dow aiang uowi mih tünteu chang müa hown natekah kown mih chekhai.
1Aw Thurai, ang kowh kar klow sünta diah,ang awr lü awr leng mih hawt sünta ang diah.2Prenchur nammowt kowi ang cham uowi khai chepaw,ka tuak ka cha dowi mih khin khe ang nahaw en kown.Ang kowi dow alowngma mih singku huamang luk kowi kowpawla ang diah.3Tawngplawng kowchow panow ang kowh tatung tanimra dow en chowtaih,ransu-uüa sen ang khe kowh ang kowh akhawtma mih kimkrowng dow en chowtaih.4En kowh tangbung kowi chowngchowng saksakma ang pacham ka uowi reng lah,en lap krüa kowi ang pacham ka tatung tanimra reng lah.5Aw Thurai, ang takham mih maten dow en ta bowk chekhai,ringkaw en miuüa kowi kowh en peah mih prasi dow ang kowi paw en pela ang khai.6Mang kowh chownglawng dow adawngma tow pe diah;aia dow pre sum chowng mowr pacham sing lah.7Aia kowi dow chowngchowng saksakma Thurai pur kowi pe chowmah mang diah,en kowh achur uowi dowi mih sakraura hai kaah sakowm mih rah hown aia kowi dow towkala diah.8Nahanow chowngchowng saksakma ang natek en rowsi meng reng kown,now ang takhamta mih ni towng ang nachang en reng kown.The Seed Company