Meng Lai60
Mami dow David kowh meng chekhai. Aram-Naharaim hai Aram-Zoba hown David tasen mih khin khe Joab dow uang plan hanow Awisa Lawngrawi kowi mih Edawmuüa 12,000 ia kowi saita khai. Mami meng dow naiawng tasen mih khin khe kowh chekhai. Mami meng dow “Kra pau laiklow” pami meng owi iawng natekah kown.
1Aw Thurai, en dow nuata anging khai,en dow pe sum anging khai.Lainowmma en kunmarau anging khai.Nachenganchepaw alai kowh iawng plan pe anging iungra iawk diah.2Pren kowi dow lihowng en uang pe uangah khai,now krawng dow awr talak phak khai.Naiawng hai pren mih piak khai bowt.Nachenganchepaw kawmat dow naiawngün mih en pe taplimah diah.3En kowh maru-uüa luk kowi dow en uang pawla pe akawm akrat khai;anging dow kham grep tui kowh pua tim bawilawi mih iawng phaw khai bowt.4Ringkaw en miuüa kowi dow en pe pe tamkhuown lowk khai.Nami dow ransu-uüa uang krawi sen khe naia powtla kown mih tatukla müa chekhai.5En kowh kür hown uang lawng anging diah,anging awr lüah mih kowi iu klang anging diah;nahanow en sakrauah mih en kowh maru-uüa dow naka lawngra kown towbowt.6Thurai dow aia kowh chimsaima mih ming hown takham se tek mih,“Awng kowh apiawma hown Sekem marow dow ang naretah kown,Sukawt Lawngrawi dow ang kowh maru-uüa kowi ang naret pe kown.7Gilead süng dow ang kowh, Manase paw ang kowh,Efraim dow ang kowh tasen müa lukruk iawng,Juda dow ang kowh mang raitua iawng chekhai.8Nachenganchepaw Moab pren kowi dow ang kowh khawk sau müa biatum iawng ang nachangah kown,Edawm pren kowi dow ang kowh phanaikhawk hown ang nakuakah kown.Now Filistin pren nowng senta rakowi ang dow nahek kown,” pakhai.9Nami khikhawtma mih Edawm pren kowi kowh marow kri kowi mia chow kowpawla ang kown?Edawm pren kowi mangla kown mih tiama mia chow natüng ang kown?10Aw Thurai, en nuata anging khai bowt bow?Anging kowh siphaiuüa hown en tawi tarü tasen dowi bowt bow?11Aw Thurai, ransu-uüa kowi nasen kown mih tawi khowng anging diah,lusa maru uang tawi khowng mih taih now tawngpaw asung uowi dowi chekhai.12En tawi khowng anging rakowi anging naawng kown;en dow anging kowh ransu-uüa kowi napiakah kown.The Seed Company