Meng Lai6
Mami dow David kowh meng chekhai. Mami meng dow aiang uowi raiat iang mih tünteu chang müa hown natekah kown mih chekhai. Tünteu hai meng mih anemchow natekah kown mih chekhai.
1Aw CHAKRAMANG, en kunmarau thüm khe hauang nang ang diah;en sak-hiah ang thüm khe hauang hawi ang diah.2Aw CHAKRAMANG, saksing sana ang diah,ang kowh kür uowi dowi chekhai.Aw CHAKRAMANG, uang iungta ang diah,ang kowh hut khowm uak bowk khowk chekhai.3Ang kowh saktuak paw lainowmma pusa khai bowt,Aw CHAKRAMANG, mün ni tak chow maiawng ang nauowi kown?4Aw CHAKRAMANG, ang prakowi uang plan diah, now uang lawng ang diah,en kowh achur uowi dowi mih sakraura rakowi uang towkala ang diah.5Kowng kung kowi dow miapaw ka tuak en dowi bowt chekhai,tadupra kuam hownia mia chow narowsi en kown chow?6Ang kar ang nguk lai bowt kowh ang kow uak mih nowm khowk,mik tui hown phangbek hai mawk rah sik bowk khowk.7Ang tuak kawm lai bowt kowh ang kowh mik paw uang iiu rürü khowk,ransu-uüa rakowi ang kowh mik mih uak mih nowm khowk chekhai.8Chang lup ngak mih maru-uüa low, ang hownia cham lang tahen büah bowk diah.Tawngplawng kowchow panow ang kowh kar klow mih CHAKRAMANG ta khowk chekhai.9Ang awr lü mih dow CHAKRAMANG hawt sünta ang khai,ang awr lü awr leng mih dow aia nauang klang ang kown.10Ang kowh ransu-uüa maten mih narukrai hai nakram bowt kown,amatni dow narukrai hanow naplan büah bowt kown.The Seed Company