Meng Lai5
Mami dow David kowh meng chekhai. Mami meng dow prui tün hown naklakah kown takla.
1Aw CHAKRAMANG, ang laiklow sünta diah,sakdawng hownia ang awr lüah mih sünta ang diah.2Aw ang kowh Mangkri, ang kowh Thurai,uang lü khowng se ang uang kar mih klow hawt sünta ang diah.Tawngplawng kowchow panow ang uang lü khowng mih dow en tut-e chowtaih.3Aw CHAKRAMANG, ang kowh laiklow dow rau towng en ta reng,ang kowh naura dow rau towng en tut-e ang uang lü reng,now sakowmma hai ang hawt tang mü en reng chekhai.4Aw Thurai, en dow angak kowi awmrawm dowi chekhai,chang ngak mih maru dow en pur kowi nowng uowi dowi chekhai.5Chang owrow miuüa dow en pur kowi nowng iowng dowi,chang lup ngak miuüa kowi dow en nuata reng chekhai.6Tek dai lai miuüa kowi dow en piakah reng,sai maru mih hai kuan maru mih kowi dow en suiah reng chekhai.7Nachenganchepaw en kowh saksing sanara ahuma rakowi ang dow en kim kowi uang ia kup khai,en kowh kim chimsaima mih prakowi dang se tabawk krawm hanow ang ia chup en khai.8Aw CHAKRAMANG, ang kowh dow ransu uowi ahuma;naiawng rakowi en kowh tiama nowm kowi kruila ang diah,en kowh tiama mih ang pur kowi atengma chang ang diah.9Ang ransu-uüa kowh laiklow dow kaah owm dowi,amatni kowh saktuak dow krawi piak maru kown mih kangowh chekhai.Amatni kowh nawr dow hota hüah mih tadupra iawng chekhai,amatni kowh dai dow lai iung sowr akiakma chekhai.10Aw Thurai, amatni kowi dow amatni kowh angak sung peah diah,amatni dow amatni kowh sangkrangra ngak kowi pacham piak büah lah.Amatni kowh achüt arawnma mih ngak rakowi amatni kowi prütta diah.Tawngplawng kowchow panow amatni dow kingküa en reng chekhai.11Tawkchedow en tut-e pacham tatung tanim büah lah,apiawma hown chowngchowng saksakma pacham tek meng büah lah.Amatni kowi dow kawngma iawng towkala reng diah;nahanow en ming kowi ngown miuüa dow apiawma naia uowi kown towbowt.12Aw CHAKRAMANG, en nau iawng chang miuüa kowi dow en peah prasi reng chekhai;kawngma iawng hai en kowh saksing sanara hown amatni kowi en takhula reng chekhai.The Seed Company