Meng Lai58
Mami dow David kowh meng chekhai. Mami dow “Hangkow piak diah” pami meng owi iawng natekah kown.
1Aw tara chet miuüa, enni chet tara nowm tak bow?Maru kawmuüa kowi enni chet pe tara nowm khowk bow?2Enni chet pe tara nowm dowi chekhai!Enni kowh saktuak dow nachang angak kown mih kangowh,lusa kowi dow enni kowh lup ngak mih krawi tasak khai bowt.3Maru ngakuüa dow uang dia hownia chang lup ngak reng,now uang dia hownia tek dai lai büah reng chekhai.4Amatni kowh laiklow dow rua kru iawng kramra uowima,amatni dow pitta param mih tawkpaw iawng prengia iung sünta kown nau dowi chekhai.5Amatni dow rua khüm sara kowh prui tün nau sünta dowi mih rua iawng chekhai,amatni dow prui tum akiakma chepaw nau sünta dowi mih rua iawng chekhai.6Aw CHAKRAMANG Thurai, ang kowh ransu-uüa dow kramra uowima chekhai,amatni dow krangsila powrchow iawng kramra uowima chekhai.Amatni kowh iüng mih en letta pe bowk diah.7Krawng kangma mih kowi khük pe tui khe kowh kang iawng amatni pacham tama bowk lah;amatni rüata hüah mih salangba sek dow pacham taklowk bowk lah.8Neng kowi kam kam now tem dow hing tama reng,nami iawng amatni dow pacham tama lah.U mu lak hownia auakma uang dia mih chah dow khila nowi dowi,nami iawng amatni dow pacham own lah.9 Maru ngakuüa kowi dow alenma kowngta diah,amatni kowi dow chuh mung maih hown pu lüa den mih lak-e khowm lüa piakta diah.10Ringkaw Thurai miuüa dow maru ngakuüa ka ripra mih khi hanow naawmrawm kown,amatni dow maru ngakuüa kowh vi hown nasau khawk büah kown.11Nami khita hanow maru kawmuüa natek kown mih,“Thurai kowi ringkaw miuüa vüi dow awmrawm sung uowi khai nowm!Lusa kowi chet tara mih Thurai uowi lowk ia chekhai nowm!” napa kown.The Seed Company